Kitaaba Faaru'uu 97 - Kitaaba Woyyuu

Rabbi Waan Maraa Caala

1Rabbi mooyeera; ardiin haa gammaddu;

worri fagoo qacceewwan galaanaa jiran

haa usheexxan!

2Duumessinii fi hurriin guddaan

naannoo isaa jiran;

Haqaa fi balchummaan

hundee teessoo isaati.

3Ibiddi isa afoo deema;

diintota naannaya isaa hin fixa.

4Falaqqifni bakakka'aa adunyaa ibse;

ardiin argitee hollatte.

5Gaarran Rabbiin afo'otti;

Gooftaa ardii maraa afo'otti

akka gaga'aa baqan.

6Samiiwwan balchummaa isaa hin labsan;

baniin maruu ulfinna isaa argan.

7Worri fakii bocamee sagadan

worri waaqolee tolfamaa hedatan maruu haa saalfatanii;

isinillee waaqoleen tolfamaan maruu isaa sagadaa'a.

8Yaa Rabbi! waan murtii keetii;

Tsiyoon dhageettee gammadde;

ijoolleen intalaa ta Yihuuda'aallee hin usheexxite.

9Yaa Rabbi! ati ardii maraa irrattuu

maraa oli waan taateef;

waaqolee tolfamaa maraa irra ati guddiftee gudda'a.

10Worri Rabbiin jaalattan hammeenna jibbaa'a;

Inni waan lubbuu worra isaaf amanamanii eeguuf.

harka worra dhiba'aa jalaallee isaan oolcha.

11Ifti balchootaa;

usheexxuun worra garaan qajeela'aatii ta'e.

12Isin balchoonni Rabbiin gammadaa'a;

maqaa isaa woyyuu galatoonfadhaa'a!