1Kwasekusiza kimi esinye isithunywa sezithunywa eziyisikhombisa ezazilemiganu eyisikhombisa, sathi kimi: Woza lapha, ngikutshengise ukuthonisiswa kwesiphingi esikhulu esihlezi phezu kwamanzi amanengi,Jer 51:13
2aphinga laso amakhosi omhlaba, labakhileyo emhlabeni badakwe liwayini lokuphinga kwaso.Isa 23:17; Jer 51:7
3Sangisa enkangala ngehlelwe nguMoya. Ngabona owesifazana egade isilo esibomvu, sigcwele amabizo enhlamba, silamakhanda ayisikhombisa lempondo ezilitshumi.Isam 13:1
4Owesifazana wayembethe okububende lokubomvu, ececiswe ngegolide langamatshe amahle langamangqongqo aligugu, ephethe esandleni sakhe inkezo yegolide igcwele amanyala lokungcola kokuphinga kwakhe;Jer 51:7
5ebunzini lakhe kwakulotshiwe ibizo eliyimfihlakalo lokuthi: IBabiloni elikhulu, unina weziphingi lowamanyala wonke omhlaba.
6Ngasengibona ukuba owesifazana edakwe ligazi labangcwele legazi labafela uJesu.
Kuthe lapho ngimbona, ngamangala kakhulu.
7Kodwa isithunywa sathi kimi: Umangalelani na? Ngizakukutshela imfihlakalo yowesifazana leyesilo esilamakhanda ayisikhombisa lempondo ezilitshumi esimthweleyo.
8Isilo osibonileyo sikhona, kasisekho; kodwa sizakuphuma emgodini ongelamkhawulo, siye ekubhujisweni. Labakhileyo emhlabeni, abamabizo abo angabhalwanga encwadini yokuphila kusukela ekudatshulweni komhlaba, bazakumangala ukubona ukuthi isilo sasikhona, kasisekho, kanti sizakuba khona.Dan 7:7; Isam 11:7; Hubo 69:28
9Nanku ukwazi okulokuhlakanipha. Amakhanda ayisikhombisa ayizintaba eziyisikhombisa, ahlezi kuzo owesifazana;
10futhi angamakhosi ayisikhombisa, amahlanu awo asewile, enye ikhona, enye kayikafiki; nxa isifikile, imele ukuhlala isikhatshana.
11Mayelana lesilo esasikhona, kodwa esingasekho, siyinkosi yobuficaminwembili; kodwa singenye yawayisikhombisa, siya ekubhujisweni.
12Impondo ezilitshumi ozibonileyo zingamakhosi alitshumi angakanikwa amandla obukhosi, kodwa azakwamukeliswa kanye lesilo umbuso abe ngamakhosi okwesikhathi.Dan 7:24
13Wona ayavumelana, anika isilo amandla okubusa kwawo.
14Azakuhlasela iWundlu, kodwa iWundlu lizakuwanqoba, ngoba liyiNkosi yamakhosi loMbusi wababusi, abakanye lalo ngababiziweyo, labakhethiweyo, labathembekileyo.
15Sasesisithi kimi: Amanzi owabonileyo, lapho sihlezi khona isiphingi, angabantu lamaxuku lezizwe lezindimi.
16Lempondo ezilitshumi ozibonileyo zona kanye lesilo zizakusizonda isiphingi; zizakusichitha sisale siyize, zidle inyama yaso, zisitshise ngomlilo.
17Ngoba uNkulunkulu ukufakile enhliziyweni zazo ukuba zenze icebo lakhe ngokubamqondo munye, zinike umbuso wazo esilweni, kuze kugcwaliseke amazwi kaNkulunkulu.
18Owesifazana ombonileyo ungumuzi omkhulu obusa phezu kwamakhosi omhlaba.
Who We AreWhat We EelieveWhat We Do
2025 by iamachristian.org,Inc All rights reserved.
