Hubo 142 - Ndebele Bible (iBhayibhili Elingcwele) 1978

Umkhuleko wokucela ukusizwa ekuhluphekeni

1Ngiyakhuleka eNkosini ngelizwi lami,

ngelizwi lami ngiyanxusa eNkosini;

2ngiyabeka ukukhathazeka kwami phambi kwayo,

ngiyitshele ukuhlupheka kwami.

3Lapho umoya wami uphela amadla,

wena uyayazi indlela yami.

Endleleni engihamba kuyo bangithiyile khona.

4Ngikhangela ngakwesokunene,

kodwa kakho onginanzayo;

kakukho isiphephelo kimi,

kakho ongikhathalelayo.

5Ngiyakhuleka kuwe, Nkosi,

ngithi: Wena uyisiphephelo sami,

isabelo sami elizweni labaphilayo.

6Akulalele umkhuleko wami,

ngoba ngehliselwa phansi kakhulu.

Ngikhulula kubo abangizingelayo,

ngoba balamandla kulami.

7Ngikhupha enhluphekweni yami,

ukuba ngibonge ibizo lakho.

Abalungileyo bazakungibuthanela,

ngoba ungiphatha kuhle kakhulu.