1Waseng buyisela ngasesangweni elingaphandle lendlu engcwele, elikhangele empumalanga, lalivaliwe.
2Wathi kimi: Isango leli lizahlala livaliwe, kaliyikuvulwa, kakuyikungena muntu ngalo; ngoba iNkosi uNkulunkulu kaIsrayeli ingene ngalo, ngakho lizakuhlala livaliwe.
3Yisikhulu sodwa esingahlala kilo sidle isinkwa phambi kweNkosi. Sizangena ngendlela yendlu esekungeneni kwesango, siphume ngayo futhi.
4Wasengihambisa ngendlela yangasesangweni elingasenyakatho, wangiletha ngaphambi kwethempeli. Ngakhangela ngabona inkazimulo yeNkosi igcwalise ithempeli leNkosi, ngathi mbo ngobuso.
5INkosi yathi kimi: Ndoda, qaphelisa kuhle ubone ngamehlo akho uzwe ngendlebe zakho konke engizakukutshela khona mayelana lemithetho yethempeli leNkosi lemilayo yalo yonke. Uqaphelise kuhle labo abangavunyelwa ukungena ethempelini lalabo abazatshiywa phandle kwendlu engcwele.
6Utsho kibo abakoIsrayeli abahlamukayo ukuthi iNkosi uNkulunkulu ithi: Wena Israyeli, kawaphele wonke amanyala akho,
7okungenisa abezizwe labangasokanga enhliziyweni lasenyameni endlini yami engcwele liyingcolisa, lapho linikela kimi ukudla kwami, amahwahwa legazi. Futhi lisaphulile isivumelwano sami ngamanyala enu wonke.
8Kalilondolozanga izinto zami ezingcwele, kodwa limisile abezizwe ukwenza umsebenzi wami endlini yami engcwele.
9Ngalokho iNkosi uNkulunkulu ithi: Kakulamuntu wezizwe ongasokanga enhliziyweni lenyameni kubo bonke abezizwe abaphakathi kwabakoIsrayeli ozangena endlini yami engcwele.
10Kodwa amaLevi asuka kimi, aya khatshana, eduhela ezithombeni zawo ekuduheni kukaIsrayeli, azathwala ukutshwaywa kwawo.
11Azakuba yizikhonzi endlini yami engcwele, alinde amasango ethempeli, asebenze ethempelini, ahlabe umnikelo wokutshiswa lomhlatshelo wabantu, akhangele abantu ukuba abasebenzele.
12Ngoba abasebenzela phambi kwezithombe zabo, aba yisikhubekiso sobubi kuIsrayeli, ngakho ngifungile mayelana labo ukuba azathwala ukutshaywa kwawo, kutsho iNkosi uNkulunkulu.
13Kawayikusondela kimi ukuba angikhonze njengompristi, angasondeli ezintweni zami ezingcwele lezintweni ezingcwele kakhulu, kodwa azathwala ihlazo lawo ngenxa yamanyala awenzayo.
14Kanti ngizawamisa ukulondoloza ithempeli, lokwenza umsebenzi walo lakho konke okufanele ukwenziwa kilo.
15Kodwa abapristi abangamaLevi, amadodana kaZadoki, abalondoloza indlu yami engcwele ekuduheni kwabakoIsrayeli, bazakusondela kimi ukukhonza, beme phambi kwami ukunginika amahwahwa legazi, kutsho iNkosi uNkulunkulu.
16Bazangena endlini yami engcwele basondele etafuleni lami ukungikhonza, bangisebenzele.
17Nxa bengena ngamasango eguma elingaphakathi, bazagqoka izambatho ezenziwe ngelembu elihle, bangagqoki lutho olwenziwe ngoboya lapho bekhonza emasangweni eguma elingaphakathi, laphakathi ethempelini.
29Bazakudla umnikelo wempuphu lomnikelo wesono lomnikelo wecala, konke okwahlukaniselwe iNkosi koIsrayeli kuzakuba ngokwabo.
Who We AreWhat We EelieveWhat We Do
2025 by iamachristian.org,Inc All rights reserved.
