1UDavida wazakhela izindlu emzini kaDavida, walungisa indawo yomtshokotsho kaNkulunkulu, wawumisela ithente.
2Wasesithi: Kakungabi lamuntu ozathwala umtshokotsho kaNkulunkulu kuphela amaLevi, ngoba iNkosi uNkulunkulu yawakhethela ukuthwala umtshokotsho wayo lokuyikhonza kuze kube nininini.
16UDavida waselaya izinduna zamaLevi ukumisa izihlobo zazo zibe ngabahlabeli bokutshaya amachacho lemihubhe lezigubhu, besenza umsindo othokozisayo.
17AmaLevi asemisa uHemani indodana kaJoweli, lasezihlotsheni zakhe uAsafi indodana kaBerekiya; kwabakoMerari izihlobo zabo bamisa uEthani indodana kaKushaya,
18bekanye lezihlobo zabo zesigaba sesibili, ezingoZekariya loJahaziyeli loShemiramothi loJehiyeli loUni loEliyabi loBenaya loMahaseya loMathathiya loElifelehu loMikineya, labalindi bamasango oBedi‐Edoma loJeyiyeli.
19Abahlabeleli oHemani loAsafi loEthani babezatshaya izigubhu zethusi.
20OZekariya loAziyeli loShemiramothi loJehiyeli loUni loEliyabi loMahaseya loBenaya babezatshaya amachacho akhalela phezulu;
21oMathithiya loElifelehu loMikineya loObedi‐Edoma loJeyiyeli loAzaziya babezakhokhela ngamachacho akhalela phansi.
22UKenaniya umkhokheli wamaLevi ekuhlabeleni wayezahlabelisa ngoba wayekwazi.
23OBerekiya loElkana babezakuba ngabagcini bamasango omtshokotsho wesivumelwano.
24OShebaniya loJoshafati loNethaneli loAmasayi loZekariya loBenaya loEliyezeri abapristi babezakhalisa izimpondo phambi komtshokotsho kaNkulunkulu. UObedi‐Edoma loJehiya labo babengabagcini bamasango omtshokotsho wesivumelwano.
25UDavida labadala bakoIsrayeli lezinduna zezinkulungwane bawulanda umtshokotsho wesivumelwano seNkosi endlini kaObedi‐Edoma ngokuthokoza.
26Ngoba uNkulunkulu ewasiza amaLevi ayewuthwele umtshokotsho wesivumelwano seNkosi banikela umhlatshelo wenkunzi eziyisikhombisa lenqama eziyisikhombisa.
27UDavida lawo wonke amaLevi ayewuthwele umtshokotsho wesivumelwano labahlabeleli loKenaniya umkhokheli wabahlabeleli babegqoke ingubo zelembu elihle; uDavida wayegqoke lengubo yamahlombe yelembu elihle.
28Ngakhoke bonke abakoIsrayeli bawuletha umtshokotsho wesivumelwano seNkosi ngokumemeza langokukhala kwezimpondo lokwezigubhu, betshaya amachacho lemihubhe.
29Kwathi lapho umtshokotsho weNkosi ungena emzini kaDavida, uMikhali indodakazi kaSawuli walunguza ngewindi wabona inkosi uDavida esina ethokoza, wamdelela enhliziyweni yakhe.
Who We AreWhat We EelieveWhat We Do
2025 by iamachristian.org,Inc All rights reserved.
