1Ilizwi leNkosi lafika kuJona ngokwesibili lisithi:
2Suka uye eNineve kulowana umuzi omkhulu, umemezele kulo ilizwi engikutshela lona.
3Ngakho uJona wasuka waya eNineve njengokutsho kwelizwi leNkosi. INineve lalingumuzi omkhulu kakhulu ohanjwa insuku ezintathu.
4UJona waqala ukungena emzini, wawuhamba usuku lwaba lunye. Wamemeza wathi: Kusele insuku ezingamatshumi amane ukuba iNineve lichitheke.Mat 12:41; Luka 11:32
5Abantu baseNineve bakholwa kuNkulunkulu, bamemezela ukuba kuzilwe ukudla, bagqoka izambatho zokulila, kusukela komkhulu wabo kwaze kwafika komncinyane.
6Indaba yafinyelela enkosini yaseNineve; yasuka esihlalweni sayo sobukhosi, yakhumula ingubo yayo, yagqoka isambatho sokulila, yahlala emlotheni.
7Yamemezela eNineve yathi: Ngomthetho wenkosi lezikhulu zayo kakungadli kunathe umuntu lenyamazana lenkomo lemvu;
8bonke kabagqoke izambatho zokulila, bakhale kakhulu kuNkulunkulu, baphenduke bonke endleleni zabo ezimbi lasebubini bonke ababenzayo.
9Kwazi bani ukuba uNkulunkulu angezisole, ludede ulaka lwakhe olukhulu ukuze singabhubhi.
10Lapho uNkulunkulu ebona izenzo zabo ukuba baphendukile ebubini babo, wazisola ngobubi ayezakubenza kibo, kasabenzanga.
Who We AreWhat We EelieveWhat We Do
2025 by iamachristian.org,Inc All rights reserved.
