Jow 3 - Ndebele Bible (iBhayibhili Elingcwele) 1978

Ukuthonisiswa kwezizwe

1Ngoba ngalezonsuku langalesosikhathi lapho ngibuyisa impumelelo yabaJuda labeJerusalema,

2ngizabutha zonke izizwe, ngizilethe esihotsheni sikaJehoshafati, ngizithonisise khona ngenxa yabantu bami lesizwe sami uIsrayeli, ngoba zabachithachitha phakathi kwezizwe, zabelana ilizwe lami,

3zenza inkatho ngabantu bami, zenanisa abafana ngamawule, zathengisa amankazana ngewayini, zalinatha.

4Liyini kimi, lina Tire leSidoni, lani lonke zabelo zaseFilistiya na? Liyangiphindisela ngolutho na? Uba lingiphindisela ngolutho, ngizaphangisa ukulibuyisela ngezenzo zenu.

11Phangisani lize, lina zizwe zonke elizingelezeleyo,

libuthane esihotsheni sikaJehoshafati.

Thumela amaqhawe akho, Nkosi.

12Kazizivuse izizwe, zizwe esihotsheni sikaJehoshafati;

ngoba kulapho ngizahlala khona ukuthonisisa zonke izizwe ezizingelezeleyo.

13Fakani isikela, ngoba okuvunwayo sekuvuthiwe.

Ngenani linyathele izithelo zevini,

ngoba isikhamelo sewayini sesigcwele, lamafatshi asephuphuma,

sebubukhulu kangaka ububi bezizwe.

14Amaxuku ngamaxuku akhona esihotsheni sokwahlulela.

Ngoba usuku lweNkosi selusondele esihotsheni sokwahlulela.

15Ilanga lenyanga kuzaphenduka kube mnyama,

lezinkanyezi kucime ukukhanya kwazo.

Ukukhululwa kukaJuda

16INkosi iyavungama iseZiyone,

izwakalisa ilizwi layo iseJerusalema,

kunyikinyeke iphezulu lomhlaba.

Kodwa iNkosi iyisiphephelo sabantu bayo,

lenqaba yabantu bakoIsrayeli.

17Ngalokhoke lizakwazi ukuba ngiyiNkosi, uNkulunkulu wenu

ohlala eZiyone, intaba yami engcwele.

IJerusalema lizakuba ngcwele,

abezizwe kabasayikuphinda badlule phakathi kwalo futhi.

18Kuzakuthi ngalolosuku intaba zigobhoze iwayini elitsha,

lamaqaqa ageleze uchago,

layo yonke imifula yakoJuda igeleze amanzi,

kuzabhoboka umthombo endlini yeNkosi,

uthelele isihotsha saseShithimi.

19IGibithe lizakuba yinkangala,

leEdoma libe yinkangala engelalutho,

ngenxa yesihluku esenziwa kwabakoJuda,

langenxa yegazi elingelacala abalichitha elizweni labo.

20Kodwa koJuda kuzakwakhiwa kuze kube nininini,

laseJerusalema kuze kube sezizukulwaneni zonke.

21Ngizaphindisela igazi labo,

kangiyikumyekela olecala,

ngoba iNkosi ihlala eZiyone.