Hubo 121 - Ndebele Bible (iBhayibhili Elingcwele) 1978

INkosi ingumlondolozi wakho

1Ngizakuphakamisela amehlo ami ezintabeni.

Usizo lwami luzakuvela ngaphi na?

2Usizo lwami luzakuvela eNkosini

eyenza izulu lomhlaba.

3Yona kayiyikuvuma ukuba unyawo lwakho lutshelele,

yena okulondolozayo kayikuwozela.

4Khangela, yena olondoloza uIsrayeli

kayikuwozela alale.

5INkosi ingumlondolozi wakho;

iNkosi ingumvikeli wakho ngakwesokunene sakho.

6Ilanga kaliyikukulimaza emini,

lenyanga ebusuku.

7INkosi izakukulondoloza kukho konke okubi,

izakulondoloza ukuphila kwakho.

8INkosi izakulondoloza konke ukuhamba kwakho,

kusukela kulesisikhathi kuze kube nininini.