Mat 12 - Ndebele Bible (iBhayibhili Elingcwele) 1978

UJesu uchasisa umlayo weSabatha(Mark 2:23–28; Luka 6:1–5)

1Ngalesosikhathi uJesu wadabula emasimini ngeSabatha; abafundi bakhe babelambile, baqala ukukha izikhwebu, badla.

19Kayikubangisa, kayikumemeza,

kakho ozakulizwa ilizwi lakhe ezindleleni.

20Umhlanga ofecekileyo kayikuwaphula,

lentambo yesibane ethunqayo kayikuyicitsha

aze aphumelelise ukulunga, kunqobe.

21Lezizwe zizakuthemba ebizweni lakhe.

Isono sokuhlambaza(Mark 3:20–30; Luka 11:14–23; 12:10)

22Kwasekulethwa kuye umuntu olomoya omubi eyisiphofu lesimungulu. Wamsilisa, kwaze kwathi oyisimungulu wakhuluma, wabona.

23Amaxuku wonke amangala, athi: Lo angaba yiyo iNdodana kaDavida na?

24Kodwa abaFarisi sebezwile bathi: Lumuntu uyabakhupha omoya ababi ngoBelezebule, inkosi yomoya ababi, kuphela.

33Yenzani isihlahla sibe ngesilungileyo lezithelo zaso zibe ngezilungileyo; ingabe yenzani isihlahla sibe sibi lezithelo zaso zibe zimbi. Ngoba isihlahla saziwa ngezithelo zaso.

42Inkosikazi yaseningizimu izakuma ekuthonisisweni kanye lalesisizukulwana, isilahle; ngoba yona yavela emikhawulweni yomhlaba ukuba izekuzwa ukuhlakanipha kukaSolomoni; khangelani, kukhona lapha okukhulu kuloSolomoni.Ukuphenduka okungaphelelanga(Luka 11:24–26)

43Nxa umoya omubi esephumile emuntwini, uyadabula indawo ezomileyo efuna ukuphumula kodwa engakufumani.

44Ngakho uthi: Ngizakubuyela endlini yami engaphuma kuyo; afikeke ayifumane ize, ithanyelwe ilungisiwe.

45Abesehamba, abuye labanye omoya abayisikhombisa ababi kulaye, bangene bahlale khona; kuthi ukucina kwalowomuntu kube kubi kulokokuqala. Kuzakuba njalo kulesisizukulwana esibi.

Izihlobo zikaJesu eziyizo(Mark 3:31–35; Luka 8:19–21)

46Kwathi esakhuluma emaxukwini, unina labafowabo bema ngaphandle befuna ukukhuluma laye.

47Omunye wathi kuye: Khangela, unyoko labafowenu bemi ngaphandle, bafuna ukukhuluma lawe.

48Kodwa waphendula wathi kuye omtshelileyo: Ngubani umama na? Labafowethu ngobani na?

49Waseselulela isandla sakhe ngakubafundi bakhe, wathi: Khangelani, nangu umama labafowethu.

50Ngoba ilowo lalowo owenza intando kaBaba osezulwini nguye ongumfowethu lodadewethu lomama.