Josh 21 - Ndebele Bible (iBhayibhili Elingcwele) 1978

Imizi yamaLevi

1Inhloko zezindlu zamaLevi zeza kuEleyazare umpristi lakuJoshuwa indodana kaNuni lakuzo inhloko zezindlu zaboyise bezizwe zakoIsrayeli,

2eShilo elizweni laseKanani, zathi kibo: INkosi yalaya uMose ukuba siphiwe imizi ukuba sihlale kiyo, siphiwe lamadlelo ezifuyo zethu.Nani 35:1–8; 32:20–32; Josh 1:12–15

3Ngakhoke ngomlayo weNkosi abakoIsrayeli banika amaLevi esabelweni sabo limizi kanye lamadlelo ayo.

4Inkatho yadla usendo lwamaKohathi. LawomaLevi ayengabantwana bakaAroni umpristi anikwa ngenkatho esizweni sakoJuda lesakoSimeyoni lesakoBenjamini imizi elitshumi lantathu.

5Abaseleyo kumaKohathi banikwa ngenkatho osendweni lwesizwe sakoEfrayimi lesakoDani lengxenye yesizwe sakoManase imizi elitshumi.

6AmaGerishoni anikwa ngenkatho osendweni lwesizwe sakoIsakari lesakoAsheri lesakoNafitali lengxenge yesizwe sakoManase eBashani imizi elitshumi lantathu.

7AmaMerari ngosendo lwawo anikwa esizweni sakoRubeni lesakoGadi lesakoZebuluni imizi elitshumi lambili.

8Leyomizi lamadlelo ayo abakoIsrayeli bayinika amaLevi ngenkatho, njengokulaya kweNkosi ngoMose.

9Esizweni sakoJuda lesakoSimeyoni amaLevi anikwa limizi eqanjwa lapho ngamabizo,

10eyathathwa ngabantwana bakoAroni, olunye usendo lwamaKohathi ayengamaLevi, lokhu badliwa yinkatho kuqala.

11Babanika iKiriyathi‐Arba — uArba wayenguyise kaAnaki — okutsho iHebroni, ngasezintabeni zakoJuda lawo wonke amadlelo inxa zonke.

12Kodwa amasimu omuzi lemizana yawo kwasekunikwe uKalebi indodana kaJefune ukuba kube ngokwakhe.

13Abantwana bakaAroni umpristi banikwa iHebroni, umuzi wokuphephela umbulali, kanye lamadlelo alo, leLibina lamadlelo alo,

14leJatiri lamadlelo alo, leEshitemowa lamadlelo alo,

15leHoloni lamadlelo alo, leDebiri lamadlelo alo,

16leAshani lamadlelo alo, leJuta lamadlelo alo, leBeti‐Shemeshi lamadlelo alo; imizi eficamunwemunye eyathathwa kulezizizwe ezimbili.Dute 12:6

17Esizweni sakoBenjamini kwathathwa iGibeyoni lamadlelo alo, leGeba lamadlelo alo,Nani 25:1–9

18leAnathothi lamadlelo alo, leAlimoni lamadlelo alo, imizi emine.

19Yonke imizi yabantwana bakaAroni abangabapristi yayilitshumi lantathu lamadlelo ayo.

20Imizi eyanikwa amanye amaKohathi angamaLevi ngenkatho yayivela esizweni sakoEfrayimi.Josh 7:1–26

21Anikwa iShekema, umuzi wokuphephela umbulali, kanye lamadlelo alo ezintabeni zakoEfrayimi, leGezeri lamadlelo alo,

22leKibizayimi lamadlelo alo, leBeti‐Horoni lamadlelo alo, imizi emine.

23Esizweni sakoDani anikwa iEliteke lamadlelo alo, leGibethoni lamadlelo alo,

24leAjaloni lamadlelo alo, leGathi‐Rimoni lamadlelo alo, imizi emine.

25Engxenyeni yesizwe sakoManase anikwa iTanaki lamadlelo alo, leJibileyamu lamadlelo alo, imizi emibili.

26Imizi yosendo lwamanye amaKohathi yayilitshumi isiyonke kanye lamadlelo ayo.

27AmaGerishoni, olunye usendo lwamaLevi, anikwa engxenyeni yesizwe sakoManase iGolani eBashani, umuzi wokuphephela umbulali, lamadlelo alo, leAshitarothi lamadlelo alo, imizi emibili.

28Esizweni sakoIsakari anikwa iKishiyoni lamadlelo alo, leDaberathi lamadlelo alo,

29leJarimuthi lamadlelo alo, leEni‐Ganimi lamadlelo alo, imizi emine.

30Esizweni sakoAsheri anikwa iMishali lamadlelo alo, leAbidoni lamadlelo alo,

31leHelkathi lamadlelo alo, leRehobi lamadlelo alo, imizi emine.

32Esizweni sakoNafitali anikwa iKedeshi eGalili, umuzi wokuphephela umbulali, lamadlelo alo, leHamothi‐Dori lamadlelo alo, leKaritani lamadlelo alo, imizi emithathu.

33Imizi yosendo lwamaGerishoni isiyonke yayilitshumi lantathu kanye lamadlelo ayo.

34AmaLevi aseleyo, awosendo lwamaMerari, anikwa esizweni sakoZebuluni iJokineyamu lamadlelo alo, leKarita lamadlelo alo,

35leRimoni lamadlelo alo, leNahalali lamadlelo alo, imizi emine.

36Esizweni sakoRubeni anikwa iBezeri lamadlelo alo, leJahazi lamadlelo alo,

37leKedemothi lamadlelo alo, leMefahathi lamadlelo alo, imizi emine.

38Esizweni sakoGadi anikwa iRamothi eGileyadi, umuzi wokuphephela umbulali, lamadlelo alo, leMahanayimi lamadlelo alo,

39leHeshiboni lamadlelo alo, leJazeri lamadlelo alo, imizi emine isiyonke.

40Yaba yimizi elitshumi lambili isiyonke eyanikwa ngenkatho abaseleyo osendweni lwamaMerari angamaLevi.

41Imizi eyanikwa amaLevi ivela elizweni labakoIsrayeli yayingamatshumi amane leficaminwembili isiyonke lamadlelo ayo.

42Lowo lalowomuzi wawulamadlelo inxa zonke, kwakunjalo kuleyo yonke imizi.

AbakoIsrayeli bathatha ilizwe

43INkosi yabanikake abakoIsrayeli lonke ilizwe eyafunga ukubanika lona okhokho babo; sebelithethe bahlala kulo.

44INkosi yabanika ukuphumula inxa zonke njengokufunga kwayo kubokhokho babo. Kakubanga khona lasinye isitha sabo esamelana labo, ngoba iNkosi yazinikela izitha zonke zabo ezandleni zabo.

45Kakuphuthanga lesisodwa kuzo zonke izithembiso ezinhle iNkosi eyazenza kuIsrayeli.