1Ngomnyaka wamakhulu amane lamatshumi aficaminwembili emva kokuphuma kwabakoIsrayeli eGibithe, ngomnyaka wesine wokubusa kukaSolomoni koIsrayeli, enyangeni kaZivi eyinyanga yesibili, uSolomoni waqala ukwakha ithempeli.
2Ubude balo babuzingalo ezingamatshumi ayisithupha, ububanzi balo buzingalo ezingamatshumi amabili, lokuphakama kwalo kuzingalo ezingamatshumi amathathu.
3Umkoto owawungaphambili ubude bawo babuzingalo ezingamatshumi amabili ulingana lobubanzi bendlu, lobubanzi bawo buzingalo ezilitshumi ngaphambi kwendlu.
4Indlu wayenzela amawindi abanzi ngaphandle kulangaphakathi.
5Futhi wayenzela isakhiwo emdulini esibhoda lomduli wendlu, umduli wethempeli lowendlu engaphakathi. Wayenzela lezindlwana emaceleni wonke.
6Indlwana engaphansi ububanzi bayo babuzingalo ezinhlanu, lephakathi buzingalo eziyisithupha, leyesithathu buzingalo eziyisikhombisa. Ngaphandle kwendlu emdulini wenza izisekelo ukuba insika ezisekeleyo zingagxunyekwa emidulini yendlu.
7Indlu yakhiwa ngamatshe ayelungiswe enkwalini, ukuze kungezwakali ukukhala kwesando lehloka lesinye isikhali nje sensimbi ethempelini nxa lisakhiwa.
8Umnyango wendlwana engaphansi wawusohlangothini lwendlu olungaseningizimu, kukhwelwa ngesikhwelo ukuya endlwaneni engaphakathi, lokusuka endlwaneni engaphakathi kusiya endlwaneni yesithathu.
9Wayakhake indlu, wayiqeda; wakha uphahla lwayo ngamapulanka emikusu.
10Indlu yonke wayenzela isakhiwo, ubude baso buzingalo ezinhlanu, sixhunywe endlini ngezigodo zemikusu.
11Ilizwi leNkosi lafika kuSolomoni lathi:
12Mayelana lendlu oyakhayo, uba uhamba ngezimiso zami, ulalela imithetho yami, ugcina yonke imilayo yami uhamba ngayo, ngizaligcwalisa ilizwi lami kuwe engalikhuluma kuyihlo uDavida;
13ngizahlala phakathi kwabantu bakoIsrayeli, ngingabatshiyi abantu bami.
14USolomoni walakha ithempeli, waliqeda.
15Wakha imiduli yendlu engaphakathi ngamapulanka emikusu, kusukela phansi kuze kufike ophahleni, wayendlala phansi ngamapulanka ephane.
16Ngasemsamo waquma indawo eyizingalo ezingamatshumi amabili, wayakhela ngamapulanka omkusu kusukela phansi kwaze kwafika ophahleni, yaba yindlwana engaphakathi okuthiwa yindlu engcwele kakhulu.
23Endlini engaphakathi wenza amakherubi amabili ngamapulanka eoliva, yilelo lalelo lizingalo ezilitshumi ukuphakama.Eks 25:18–20
24Ubude bophiko balelo lalelo ikherubi babuzingalo ezinhlanu; kusukela ekucineni kolunye uphiko kusiya ekucineni kolunye kwakuzingalo ezilitshumi.
25Lelinye lalo ikherubi lalizingalo ezilitshumi; womabili amakherubi ayelingana, efanana.
26Ukuphakama kwalelo lalelo ikherubi kwakuzingalo ezilitshumi.
27Wawabeka amakherubi endaweni engaphakathi kwendlu; impiko zawo zazinabile, uphiko lwelinye luthinta umduli, lophiko lwelinye luthinta omunye umduli, ezinye impiko zawo zithintana ngaphakathi kwendlu.
28Wawanameka ngegolide amakherubi.
29Emidulini yendlu yonke wabaza imifanekiso yamakherubi lezihlahla zamalala lamaluba endlini engaphakathi lengaphandle.
30Wendlala phansi ngegolide endlini engaphakathi lengaphandle.
31Umnyango wendlu engaphakathi wawenzela izivalo zamapulanka eoliva, imigubazi yawo ilezinhlangothi ezinhlanu.
32Izivalo zazenziwe ngamapulanka eoliva, wabaza kuzo imifanekiso yamakherubi lezihlahla zamalala lamaluba, wazibhada ngegolide elendlala phezu kwamakherubi lezihlahla zamalala.
33Umnyango wendlu wawenzela imigubazi yamapulanka eoliva, alezinhlangothi ezine,
34lezivalo ezimbili ngamapulanka ephane; impiko ezimbili zesivalo ngasinye zazigoqeka.
35Wabaza kuzo imifanekiso yamakherubi lezihlahla zamalala lamaluba, wazibhada ngegolide elendlala kuhle phezu kokubaziweyo.
36Iguma elingaphakathi walakhela ngamatshe abaziweyo ayimizila emithathu, wafaka umzila owodwa wezigodo zemikusu.
37Ngomnyaka wesine wokubusa kukaSolomoni isisekelo sethempeli leNkosi sakhiwa ngenyanga kaZivi.
38Kwathi ngomnyaka wetshumi lanye enyangeni kaBuli, okuyinyanga yesificaminwembili, kwaphela konke ukwakhiwa kwendlu njengokumiswa kwayo. Wathatha iminyaka eyisikhombisa ukuyakha.
Who We AreWhat We EelieveWhat We Do
2025 by iamachristian.org,Inc All rights reserved.
