Mat 23 - Ndebele Bible (iBhayibhili Elingcwele) 1978

UJesu usola ababhali labaFarisi(Mark 12:38–40; Luka 11:37–54; 20:45–47)

1UJesu wakhuluma emaxukwini lakubafundi bakhe,

2wathi: Ababhali labaFarisi bahlezi esihlalweni sikaMose.

3Ngakhoke konke abalitshela khona, kwenzeni, likugcine, kodwa lingenzi njengemisebenzi yabo; ngoba bayakhuluma, bengenzi;

4bayabopha imithwalo enzima, bayibeke emahlombe abantu; kodwa bona kabavumi ukuyisusa ngomunwe wabo.

5Imisebenzi yabo yonke bayenza ukuba babonwe ngabantu; ngoba benza izicwatsho zabo zokukhuleka zibe banzi, lentshaka zengubo zabo zibe zinkulu.

13Maye kini babhali labaFarisi, bazenzisi! ngoba livalela abantu umbuso wezulu. Ngoba kalingeni lina, labangenayo kalibavumeli ukuba bangene.

14Maye kini babhali labaFarisi, bazenzisi! ngoba lidla izindlu zabafelwakazi, langokuzenzisa lenza imikhuleko emide. Ngakhoke lizakwamukeliswa ukulahlwa okukhulu.

15Maye kini babhali labaFarisi, bazenzisi! ngoba lidabula ulwandle lomhlaba wonke ukuba liphendule abe munye owabezizwe, kuthi nxa selimphendule limenze indodana yesihogo ngokuphindiweyo kulani.

16Maye kini baholi abayiziphofu! ngoba lithi: Ofunga ithempeli, kanani; kodwa ofunga igolide lethempeli, uzibophile ngesifungo sakhe.

17Zithutha eziyiziphofu! Kambe yikuphi okukhulu, igolide ingabe ithempeli elenza igolide libe ngcwele na?

18Futhi lithi: Ofunga ialtare, kanani; kodwa ofunga umnikelo ophezu kwalo, uzibophile ngesifungo sakhe.

19Ziphofu! Yikuphi okukhulu, umnikelo ingabe ialtare elenza umnikelo ube ngcwele na?

20Ngakhoke ofunga ialtare ufunga lona lakho konke okuphezu kwalo.

21Lofunga ithempeli ufunga lona laye ohlala kulo.

22Lofunga izulu ufunga isihlalo sobukhosi sikaNkulunkulu laye ohlala phezu kwaso.

23Maye kini babali labaFarisi, bazenzisi! ngoba lithela okwetshumi kwemfe, lolude, lamakhomane, liyekele izinto ezinkulu zomlayo, ukulunga lesihawu lokuthembeka. Belifanele ukukwenza lokhu lingakuyekeli lalokho.