Hubo 82 - Ndebele Bible (iBhayibhili Elingcwele) 1978

UNkulunkulu nguye yedwa umahluleli

1UNkulunkulu uyema emhlanganweni wabonkulunkulu,

uyahlulela phakathi kwabonkulunkulu uthi:

2Koze kube nini lisahlulela ngokungalunganga,

likhetha ababi na?

3Yahlulelani obuthakathaka loyintandane,

limenzele okufaneleyo ohluphekayo loswelayo.

4Khululani obuthakathaka loswelayo,

libophule ezandleni zababi.

5Kabalakwazi lokuqedisisa, bahamba emnyameni;

izisekelo zonke zomhlaba ziyazamazama.

6Mina ngathi: Lingonkulunkulu lina,

lonke lingamadodana oPhezukonke.

7Kodwake lizakufa njengabantu nje,

liwe lanjengasiphi isikhulu.

8Vuka, Nkulunkulu! wahlulele umhlaba;

ngoba wena izizwe zonke zingezakho.