1Konke kulesikhathi sakho, lakho konke okwenzakalayo kulesibanga sakho ngaphansi kwelanga.
2Kukhona isikhathi sokuzalwa, lesikhathi sokufa; isikhathi sokuhlanyela, lesikhathi sokusiphuna okuhlanyelweyo;
3isikhathi sokubulala, lesikhathi sokuphilisa; isikhathi sokudiliza, lesikhathi sokwakha;
4isikhathi sokukhala, lesikhathi sokuhleka; isikhathi sokulila, lesikhathi sokugida;
5isikhathi sokuhlakaza amatshe, lesikhathi sokubuthelela amatshe; isikhathi sokugona, lesikhathi sokungagoni;
6isikhathi sokudinga, lesikhathi sokulahlekelwa; isikhathi sokulondoloza, lesikhathi sokulahla;
7isikhathi sokudabula, lesikhathi sokuthunga; isikhathi sokuthula, lesikhathi sokukhuluma;
8isikhathi sokuthanda, lesikhathi sokuzonda; isikhathi sempi, lesikhathi sokuthula.
9Uzuzani umuntu ngokusebenza kwakhe na?
10Ngiwubonile umsebenzi uNkulunkulu awunike abantu ukuba bawenze.
11Ukwenzile konke ukuba kube kuhle ngesikhathi sakho; wamnika lomuntu ukwazi isikhathi esidlulileyo lesizayo; kodwa kalakho ukuqedisisa umsebenzi kaNkulunkulu kusukela ekuqaleni kuze kube sekucineni.
12Ngiyazi ukuthi kakukho okungcono kuye ukwedlula ukuthaba lokuzithokozisa esaphila,
13lokuthi kuyisipho sikaNkulunkulu ebantwini ukuba bonke badle banathe bazithokozise ngomsebenzi wabo.
14Ngiyazi ukuthi konke uNkulunkulu akwenzayo kuhlala kokuphela; kakukho okwengezelelwa kukho lokuphungulwa kukho; uNkulunkulu wakwenza kwaba njalo ukuze umuntu esabe phambi kwakhe.
15Lokho okukhona yikho okwakukhona, lalokho okuzaba khona yikho okwakukhona; uNkulunkulu uyaphinda akubuyise futhi.
Ukwahlulela lokulunga kakukho emhlabeni16Futhi ngabona ngaphansi kwelanga ukuthi lapho kufanele kube khona ukwahlulela kwakukhona ububi, lalapho kufanele kube khona ukulunga kwakukhona ububi.
17Ngasengisithi: UNkulunkulu uzathonisisa abalungileyo lababi ngoba kumisiwe isikhathi sakho konke okuqondiweyo lokwenziweyo.
18Ngasengisithi mayelana labantu: UNkulunkulu uyabahlola ukuba abatshengise ukuthi bafanana lenyamazana.
19Ngoba isiphelo sabantu lesiphelo sezinyamazana sinye; njengoba okunye kusifa, konke kuyafa. Konke kuphefumula moya munye, lomuntu kazedluli inyamazana; ngoba konke kulize.
20Konke kuya endaweninye, konke kuvela othulini, kubuyele futhi othulini.
21Ngubani owaziyo ukuba umoya womuntu uya phezulu lokuba owenyamazana uya phansi na?
22Ngasengibona ukuthi kakukho okungcono okwedlula ukuba umuntu azithokozise ngomsebenzi wakhe, ngoba lokhu kuyisabelo sakhe. Ngubani ongamenza abone lokho okuzakwenzeka engasekho na?
Who We AreWhat We EelieveWhat We Do
2025 by iamachristian.org,Inc All rights reserved.
