1UHiramu inkosi yaseTire esezwile ukuthi uSolomoni ugcotshiwe ukuba abe yinkosi esikhundleni sikayise, wathumela inceku zakhe kuye, ngoba uHiramu wayethandana loDavida.2 Lan 2:1–18
2USolomoni wathumela ilizwi kuHiramu esithi:
3Uyazi ukuba ubaba uDavida wehluleka ukuyakhela iNkosi uNkulunkulu indlu yokukhonzela ngenxa yezimpi ayezilwa lezitha zakhe inxa zonke, iNkosi yaze yazenza zaba ngaphansi kwakhe.
4Kodwa khathesi iNkosi uNkulunkulu inginikile ukuphumula inxa zonke, kakho oyisitha sami, kakulangozi.
5Ngakho sengizimisele ukwakhela ibizo leNkosi uNkulunkulu wami indlu njengokutsho kwayo kuDavida ubaba ukuthi: Indodana yakho engizayimisa ibuse endaweni yakho izangakhela indlu.2 Sam 7:12–13; 1 Lan 17:11–12
6Ngalokhoke akutshele inceku zakho zingigamulele imikusu yaseLebanoni, lezinceku zami zizasizana lezakho; ngizakukuhlawula ngenceku zakho leyomali oyifunayo. Ngoba uyazi ukuthi kakukho loyedwa phakathi kwethu okwaziyo ukugamula izihlahla njengabaseSidoni.
7Kwathi lapho uHiramu esizwa lamazwi kaSolomoni wathokoza kakhulu wathi: Kayibongwe iNkosi uNkulunkulu lamhla emnikileyo uDavida indodana ehlakaniphileyo ukuba ibuse lesisizwe esikhulu.
8UHiramu wathumela ilizwi kuSolomoni esithi: Ngilizwile ilizwi olithumele kimi; ngizakwenza konke okufunayo mayelana lezigodo zemikhusu lezamaphane.
9Inceku zami zizakuzehlisa eLebanoni, zizilethe ngasolwandle; mina ngizakuzenza iminyaba ukuba zihambe olwandle ukuya endaweni oyifunayo, ngizithukulule lapho; uzamukele wena, ongangenzela khona yikunginika ukudla kwabendlu yami.
10Ngakho uHiramu wamnika uSolomoni zonke izigodo zemikusu lezamaphane ayezifuna,
11loSolomoni wanika uHiramu amasaka amabele azinkulungwane ezingamatshumi amathathu lambili okudla kwabendlu yakhe, lamatanka angamakhulu amabili lamatshumi amathathu amafutha. USolomoni wamnika uHiramu lokhu iminyaka ngeminyaka.
12INkosi yamnika uSolomoni ukuhlakanipha njengokuthembisa kwayo kuye. Kwaba khona ukuthula phakathi kukaHiramu loSolomoni, benza isivumelwano bobabili.
13Inkosi uSolomoni yathatha izibhalwa kubo bonke abakoIsrayeli, abantu abathathwayo babezinkulungwane ezingamatshumi amathathu.
14Yabathumela eLebanoni, ngenkulungwane ezilitshumi ngenyanga belandelana, babehlala inyanga eLebanoni, bahlale inyanga ezimbili ekhaya. UAdoniramu wayengumphathi wezibhalwa.
15Futhi uSolomoni wayelabathwali bemithwalo abazinkulungwane ezingamatshumi ayisikhombisa, lababazi bamatshe abazinkulungwane ezingamatshumi aficaminwembili ezintabeni,
16langaphandle kwalokho elezinduna ezizinkulungwane ezintathu lamakhulu amathathu ezaziphethe umsebenzi, zikhangele abantu abasebenzayo.
17Ngelizwi lenkosi bemba amatshe amakhulukazi aligugu okwakha isisekelo sendlu, bawabaza.
18Abakhi bakaSolomoni labakaHiramu labantu baseGehali babaza, balungisa lezigodo lamatshe okwakha indlu.
Who We AreWhat We EelieveWhat We Do
2025 by iamachristian.org,Inc All rights reserved.
