Hos 6 - Ndebele Bible (iBhayibhili Elingcwele) 1978

Ukuphenduka kukaIsrayeli kakuqotho

1Wozani sibuyele eNkosini, ngoba yona isilimazile, kanti izaselapha;

isitshayile, kanti izakubopha amanxeba ethu.

2Ngemva kwensuku ezimbili izakusivuselela,

isivuse ngosuku lwesithathu,

ukuba siphile phambi kwayo.

3Asiyazi, asiphikelele ukuyazi iNkosi,

ukufika kwayo kuqinisekile njengokusa;

izafika kithi njengemikhizo,

njengezulu elinetha umhlaba.

4INkosi ithi: Ngizakwenza njani ngawe, wena Efrayimi?

Ngizakwenza njani ngawe, wena Juda?

Uthando lwenu lunjengeyezi lasekuseni,

njengamazolo athintitheka masinyane.

5Ngakhoke ngilitshayile ngabaprofethi,

ngalibulala ngamazwi omlomo wami,

lokwahlulela kwami kusobala njengokukhanya.

6Ngoba ngifuna uthando olungapheliyo kulomhlatshelo,

lokwazi uNkulunkulu kuleminikelo yokutshiswa.

7Kodwa eAdima basaphula isivumelwano,

bangikhohlisa khona.

8IGileyadi lingumuzi wabenza okubi, ligcwele igazi.

9Njengabaphangi becathamele umuntu,

abapristi bayabuthana ukubulala abantu

endleleni eya endaweni engcwele eShekema.

yebo, benza okubi.

10KoIsrayeli ngibone into eyesabekayo endlini engcwele;

uEfrayimi uwulile lapho,

yebo, uIsrayeli uzingcolisile.

11Lawe Juda, ulungiselwe ukwahlulelwa,

lapho ngifisa ukubuyisa abantu bami.