1Yilowo lalowo okholwa ukuthi uJesu unguKristu, ungumntwana kaNkulunkulu; lalowo othanda umzali uthanda laye ozelweyo nguye.
2Ngalokho siyazi ukuthi siyabathanda abantwana bakaNkulunkulu, nxa sithanda uNkulunkulu silalela imilayo yakhe.
3Ngoba ukumthanda uNkulunkulu yilokhu ukuba sigcine imilayo yakhe; lemilayo yakhe kayinzima.Joha 14:15
4Ngoba konke okuzelwe nguNkulunkulu kuyawunqoba umhlaba; lokho okunqoba umhlaba yikukholwa kwethu.
5Ngubani onqoba umhlaba uba kungesuye okholwa ukuthi uJesu uyiNdodana kaNkulunkulu na?
6Nguye lo oweza ngamanzi langegazi, uJesu Kristu; kezanga ngamanzi kuphela, kodwa weza ngamanzi langegazi.
7UMoya ungufakazi walokhu, ngoba uMoya uliqiniso.
8Bathathu ofakazi, uMoya lamanzi legazi, laba abathathu bayavumelana.
9Uba sisamukela ubufakazi babantu, ubufakazi bukaNkulunkulu bukhulu kulalobo; ngoba ubufakazi bukaNkulunkulu buyilobu bokuthi ubufakazile ngeNdodana yakhe.
10Okholwa eNdodaneni kaNkulunkulu ulobufakazi phakathi kwakhe. Ongakholwa kuNkulunkulu umenza abe ngumqambi wamanga, ngoba engakholwanga yibufakazi uNkulunkulu abufakazileyo ngeNdodana yakhe.
11Yilobu ubufakazi ukuthi uNkulunkulu usinikile ukuphila okungapheliyo, lalokhukuphila kuseNdodaneni yakhe.Joha 3:36
12Olayo iNdodana ulokuphila; ongelayo iNdodana kalakho ukuphila.
Isicino13Ngililobela lokhu lina elikholwayo ebizweni leNdodana kaNkulunkulu, ukuze lazi ukuthi lilokuphila okungapheliyo.
14Yilesi isibindi esilaso kuye sokuthi, uba sicela ulutho ngokwentando yakhe, uyasizwa.
15Uba sisazi ukuthi uyasizwa loba sicelani, siyazi ukuthi sesikuzuzile esikucela kuye.
16Uba umuntu ebona umzalwane wakhe esenza isono esingesiso sokufa, kamkhulekele kuNkulunkulu; uzakumnika ukuphila, ngitsho labo abangenzanga isono sokufa. Sikhona isono sokufa, kangitsho ukuba kukhulekelwe leso;
17konke ukungalungi kuyisono, kodwa kukhona isono esingesiso sokufa.
18Siyazi ukuthi lowo ozelwe nguNkulunkulu koni; ngoba iNdodana kaNkulunkulu iyamgcina, loSathane kamthinti.
19Siyazi ukuthi thina singabakaNkulunkulu, lokuthi umhlaba wonke usemandleni kaSathane.
20Siyazi ukuthi iNdodana kaNkulunkulu isifikile, yasinika ukuqedisisa ukuze simazi oweqiniso; sikuye oweqiniso lokhu sikiyo iNdodana yakhe uJesu Kristu. Yena unguNkulunkulu weqiniso lokuphila okungapheliyo.
21Bantwana, zilondolozeni ezithombeni.
Who We AreWhat We EelieveWhat We Do
2025 by iamachristian.org,Inc All rights reserved.
