1Thina oPawuli, loSilivanu, loTimothi, sithi kulo ibandla labaseTesalonika elikuNkulunkulu uBaba laseNkosini uJesu Kristu: Kakube kini umusa lokuthula.
2Sibonga uNkulunkulu ngezikhathi zonke ngani lonke, sihlala siliphatha ekukhulekeni kwethu;
3sikhumbula phambi kukaNkulunkulu wethu uBaba izenzo zenu zokukholwa, lomsebenzi wenu wothando, lokuqina kwethemba lenu eNkosini uJesu Kristu.
4Siyazi, bazalwane abathandiweyo nguNkulunkulu, ukuthi uNkulunkulu ulikhethile lina,
5lokuthi ivangeli lethu kalifikanga kini ngelizwi kuphela, kodwa lafika futhi ngamandla, langoMoya oNgcwele, langokuthemba okukhulu; ngoba liyazi ukuthi sasingabantu abanjani phakathi kwenu ngenxa yenu.
6Lani lalingisa thina leNkosi; ekuhluphekeni okukhulu selilamukele ilizwi ngokuthokoza kukaMoya oNgcwele,Seb 17:5–9
7laze laba yisibonelo kubo bonke abakholwayo baseMakedoniya laseAkaya.
8Ngoba udumo lwelizwi leNkosi lwaphuma kini, lwafika, kangitsho eMakedoniya laseAkaya kuphela, kodwa lasezindaweni zonke lapho ukukholwa kwenu kuNkulunkulu kwafinyelela khona. Ngakho kakusadingeki ukuba sikhulume ulutho.
9Ngoba bona uqobo lwabo balandisa ngathi ukuthi kwaba njani ukufika kwethu kini, lokuthi laphendukela kuNkulunkulu litshiya izithombe, ukuba likhonze uNkulunkulu ophilayo weqiniso,
10lilindele iNdodana yakhe ivela ezulwini, ayivusa kwabafileyo, uJesu osophula olakeni oluzayo.
Who We AreWhat We EelieveWhat We Do
2025 by iamachristian.org,Inc All rights reserved.
