Josh 19 - Ndebele Bible (iBhayibhili Elingcwele) 1978

Ilizwe elanikwa isizwe sakoSimeyoni

1Inkatho yesibili yenzelwa isizwe sakoSimeyoni ngosendo lwaso. Ilizwe laso laliphakathi kwelizwe lesizwe sakoJuda.

2Lalithatha iBerisheba leShema leMolada1 Lan 4:28–33

3leHazari‐Shuwali leBala leEzema

4leElitoladi leBethuli leHorma

5leZiklagi leBeti‐Marikabothi leHazari‐Susa

6leBeti‐Lebawothi leSharuheni; imizi elitshumi lantathu lemizana yayo.

7Kukhona leEni‐Rimoni leEtheri leAshani; imizi emine lemizana yayo,

8kanye layo yonke imizana ezingelezele imizi le kuze kufike eBalathi‐Beri, iRama laseNegebi. Leli yilizwe lesizwe sakoSimeyoni ngosendo lwaso.

9Ilizwe lesizwe sakoSimeyoni lavela elizweni lakoJuda; ngoba isabelo sesizwe sakoJuda sasisikhulu kakhulu, isizwe sakoSimeyoni sazuza ilizwe laso phakathi kwelakoJuda.

Ilizwe elanikwa isizwe sakoZebuluni

10Inkatho yesithathu yadla isizwe sakoZebuluni ngosendo lwaso. Ilizwe laso lafika eSaridi.

11Umngcele walo waqonda entshonalanga wadlulela eMareyali, wagudla iDabeshethi lesifula esingasempumalanga kweJokineyamu;

12waphenduka eSaridi waqonda empumalanga emngceleni weKisilothi‐Tabori, wasuka lapho waya eDaberathi, wadlulela eJafiya;

13wasuka lapho waqonda empumalanga waya eGathi‐Heferi leEthi‐Kazini, wadlulela eRimoni, wasuphendukela eNeya;

14ngasenyakatho waphendukela eHanathoni, waphelela esihotsheni saseIfitaheli;

15elizweni kwakukhona leKatathi leNahalali leShimironi leIdala leBetlehema, imizi elitshumi lambili lemizana yayo.

16Imizi le lemizana yayo yayiyilizwe lesizwe sakoZebuluni ngosendo lwaso.

Ilizwe elanikwa isizwe sakoIsakari

17Inkatho yesine yenzelwa isizwe sakoIsakari ngosendo lwaso.

18Ilizwe laso lathatha iJezereli leKesulothi leShunemi

19leHafarayimi leShiyoni leAnaharathi

20leRabithi leKishiyoni leEbezi

21leRemethi leEni‐Ganimi leEni‐Hada leBeti‐Pazezi.

22Umngcele walo wagudla iTabori leShahazuma leBeti‐Shemeshi, wayaphelela eJordani; kwakulemizi elitshumi lesithupha lemizana yayo.

23Leli yilizwe lesizwe sakoIsakari ngosendo lwaso, imizi lemizana yayo.

Ilizwe elanikwa isizwe sakoAsheri

24Inkatho yesihlanu yadla isizwe sakoAsheri ngosendo lwaso.

25Ilizwe laso lathatha iHelkathi leHali leBeteni leAkishafi

26leAlameleki leAmadi leMishali; ngasentshonalanga lagudla iKarmeli leShihori‐Libinathi,

27laseliphenduka liqonda empumalanga lisiya eBeti‐Dagoni, lagudla iZebuluni lesihotsha saseIfitaheli, ladlulela enyakatho laya eBeti‐Emeki leNeyeli, laqhubeka enyakatho laya eKabuli,

28leEbroni leRehobi leHamoni leKana laze lafika eSidoni elikhulu.

29Umngcele wasuphenduka uqonda eRama, waya emzini obiyelweyo waseTire; wasuphenduka uqonda eHosa, wayaphelela olwandle, eMahalabi leAkizibi

30leUma leAfeki leRehobi, imizi engamatshumi amabili lambili lemizana yayo.

31Leli yilizwe lesizwe sakoAsheri ngosendo lwaso, imizi le lemizana yayo.

Ilizwe elanikwa isizwe sakoNafitali

32Inkatho yesithupha yadla isizwe sakoNafitali ngosendo lwaso.

33Umngcele waso wasuka eHelefi, esihlahleni esikhulu saseZananimi leAdami‐Nekebi leJabineli, waze wayafika eLakumi, waphelela eJordani;

34wasuphenduka uqonda entshonalanga usiya eAzinothi‐Tabori, wadlula lapho waya eHukoki, wagudla iZebuluni ngaseningizimu, leAsheri ngasentshonalanga, leJordani ngasempumalanga.

35Imizi ebiyelweyo yayiyile; iZidimi leZeri leHamathi leRakathi leKinerethi

36leAdama leRama leHazori

37leKedeshi leEdreyi leEni‐Hazori

38leYironi leMigidaleli leHorema leBeti‐Anathi leBeti‐Shemeshi; imizi elitshumi leficamunwemunye lemizana yayo.

39Leli yilizwe lesizwe sakoNafitali ngosendo lwaso, imizi lemizana yayo.

Ilizwe elanikwa isizwe sakoDani

40Inkatho yesikhombisa yadla isizwe sakoDani ngosendo lwaso.

41Ilizwe laso lathatha iZora leEshitawoli leIri‐Shemeshi

42leShalabini leAjaloni leIthila

43leEloni leTimina leEkroni

44leEliteke leGibethoni leBalathi

45leJehudi leBene‐Beraki leGathi‐Rimoni

46leMejarkoni leRakoni lelizwe eliqondene leJopha.

47Kwathi abakoDani sebelahlekelwe yilizwe labo, basuka bayahlasela iLeshema; sebelithumbile balichitha ngomkhonto, bahlala kilo, babiza iLeshema ngokuthi yiDani, ibizo likakhokho wabo uDani.Hlu 18:27–29

48Leli yilizwe lesizwe sakoDani ngosendo lwaso, imizi le lemizana yayo.

Ilizwe elanikwa uJoshuwa

49Kwathi sebeqedile ukwaba indawo ezinengi zelizwe zibe ngezabo, abakoIsrayeli bamnika uJoshuwa indodana kaNuni isabelo phakathi kwabo.

50Ngokulaya kweNkosi bamnika umuzi awucelayo, iTiminathi‐Sera ezintabeni zakoEfrayimi, wawakha kutsha, wahlala kiwo.

51La ngamazwe uEleyazare umpristi loJoshuwa indodana kaNuni lezinhloko zezindlu zezizwe zakoIsrayeli abawaba ngenkatho eShilo phambi kweNkosi, ngasemnyango wethente lokuhlangana. Baqedake ukulaba ilizwe.