1Mina Pawuli, umphostoli kaKristu Jesu ngomlayo kaNkulunkulu uMsilisi wethu loKristu Jesu ithemba lethu,
2ngithi kuTimothi umntanami weqiniso ekukholweni: Kakube kuwe umusa lesihawu lokuthula okuvela kuNkulunkulu uBaba lakuKristu Jesu iNkosi yethu.UPawuli uxwayisa uTimothi ngokufundisa okungamanga
3Kwathi mhla ngisiya eMakedoniya ngakutshela ukuba uhlale eEfesu, ukuze ulaye abathile ukuba bangafundisi okwahlukileyo,
4futhi bangachithi isikhathi belalela izinganekwane lezindaba zosendo olokuzalana ezingapheliyo, ezibanga ukuphikisana endaweni yokuba ziqhube icebo likaNkulunkulu elisekukholweni.
5Okuyikhona esikuqondileyo ngokulaya kwethu luthando oluvela enhliziyweni emhlophe, lakuso isazela esihle, lasekukholweni okuqotho.
6Abathile baduhile kukho lokhu, baphambukela ekukhulumeni okuyize,
7befuna ukuba babe ngabafundisi bomlayo, bengaqedisisi lalokho abakutshoyo labaqinisa ngakho.
8Siyazi kambe ukuthi umlayo ulungile, uba umuntu ewusebenzisa ngokomlayo,
9esazi lokhu ukuthi umlayo kawubekelwa olungileyo, kodwa ubekelwa abangelamlayo labangalaleliyo, labeyisa uNkulunkulu labayizoni, abangakholwayo labahlambazayo, ababulala oyise labonina, lababulala abantu,
10lezifebe, labesilisa abalalanayo, labathumba abanye, labaqamba amanga, labafungela amanga; impela lokunye nje okuphambene lemfundiso eqotho,
11ngokwevangeli elilenkazimulo kaNkulunkulu obongekayo, engaphathiswa lona.
UPawuli ubonga uNkulunkulu owamhawukelayo12Ngiyambonga owanginika amandla uKristu Jesu iNkosi yethu; ngoba wangibona ngithembekile, wangimisa enkonzweni yakhe,
13loba ngangikade ngingomhlambazayo, lomzingelayo, lomthukayo. Kodwa ngahawukelwa ngoba ngangikwenza ngokungazi, ngokungakholwa;Seb 8:3; 9:4–5
14lomusa weNkosi wanda kakhulu kimi kanye lokukholwa lothando olukuKristu Jesu.
15Liqinisile lelilizwi, lifanele ukwamukelwa impela elokuthi uKristu Jesu weza emhlabeni ukusilisa izoni, engingesikhulu kuzo mina.
16Kodwa ngahawukelelwa lokhu ukuthi kimi, engingesikhulu isoni, uJesu Kristu abonakalise ukubekezela kwakhe, ngibe yisibonelo kwabazakukholwa kuye baze bazuze ukuphila okungapheliyo.
17Kuyo iNkosi eyisimakade engabhubhiyo engelakubonwa, uNkulunkulu yedwa, kakube udumo lobukhosi kuze kube nininini. Ameni.
18Lumlayo ngiwunika wena mntanami Timothi, njengamazwi abaprofethi abangitshengisa ngawe ngaphambili ukuze ngokukhuthazwa yiwo ulwe ukulwa okuhle,
19ulokukholwa lesazela esihle. Abanye ngokudelela isazela balahlekelwa yikukholwa kwabo,
20okukhona phakathi kwabo uHimeneyo loAleksandro engibanikele kuSathane, ukuze bafunde ukuba bangahlambazi.
Who We AreWhat We EelieveWhat We Do
2025 by iamachristian.org,Inc All rights reserved.
