1Kodwa wena, fundisa lokho okufanele isifundiso esiqotho.
2Weluleke amadoda amadala ukuba abe ngazithintayo, abe qotho, abe ngaqondileyo, aqine ekukholweni, lasothandweni, lasekubekezeleni.
3Ngokunjalo weluleke labesifazana abadala ukuba baziphathe ngokufaneleyo, bangabi ngabahlebayo, bangafuywa yikunatha; kababe ngabafundisi bokuhle,
4ukuze bafundise abesifazana abatsha ukuthanda omkabo labantwana babo,
5babe ngabaqondileyo, abaziphatha kuhle, abaphatha kuhle amakhaya abo, abalomusa, abazehlisela ngaphansi kwabomkabo, ukuze ilizwi likaNkulunkulu lingadunyazwa.
6Ngokunjalo ubalaye abesilisa abatsha ukuba bazithinte.
7Kukho konke wena ube yisibonelo ngezenzo ezinhle, lasekufundiseni kwakho ubonakalise ubuqotho lokuqonda,
8ukhulume okuqondileyo okungasolekiyo, ukuze omelana lathi abe lenhloni, aswele ulutho olubi angalukhuluma ngathi.
9Luleka izigqili ukuba zizehlisele ngaphansi kwamakhosi azo, zikholeke ezintweni zonke, zingabi lankani,
10zingantshontshi, zithembeke ezintweni zonke, ukuze zicecise isifundiso sikaNkulunkulu kukho konke.
11Ngoba umusa kaNkulunkulu usufikile uletha ukusiliswa ebantwini bonke,
12usifundisa ukuba sidele ububi lenkanuko zomhlaba, sihambe ngokuqonda langokulunga langobuqotho kulumhlaba,
13silindele ithemba elibusisiweyo lokubonakala kwenkazimulo kaNkulunkulu wethu omkhulu loMsilisi wethu uJesu Kristu.
14Yena wazinikela ngenxa yethu ukuze asihlenge ebubini bonke, lokuzihlambululela abantu abangabakhe abatshisekela izenzo ezinhle.Hubo 130:8; Eks 19:5; Dute 4:20; 7:6; 14:2; 1 Pet 2:9
15Tshumayela lezizinto, ulaye, ukhuze ngamandla wonke. Ungadelelwa muntu.
Who We AreWhat We EelieveWhat We Do
2025 by iamachristian.org,Inc All rights reserved.
