1Ngiyakulaya phambi kukaNkulunkulu loKristu Jesu ozakuthonisisa abaphilayo labafileyo, langokubonakala kwakhe langombuso wakhe,
2ukuba utshumayele ilizwi, uqinise ngazo izikhathi ezilungileyo lezingalunganga, usole, ukhuze, weluleke, ungadinwa yikubekezela lokufundisa.
3Ngoba isikhathi siyeza lapho bengayikuvuma ukufundisa okuqotho, kodwa ngokwenkanuko zabo bazakuzibuthela abafundisi abakholisa indlebe zabo;
4bafulathelise indlebe zabo eqinisweni, baphambukele ezinganekwaneni.
5Kodwa wena zinqande njalo, ubekezelele izinhlupheko, wenze umsebenzi womvangeli, uphelelise inkonzo yakho.
6Ngoba mina sengilungele ukwenziwa umnikelo, lesikhathi sokusuka kwami sesifikile.
7Ngilwile ukulwa okuhle, ngiqedile ukuhamba kwami, ngikulondolozile ukukholwa.
8Sengibekelwe umqhele wokulunga ezakunginika wona ngalolosuku iNkosi, umthonisisi olungileyo, kungesimi ngedwa ozakuwunikwa, kodwa bonke labo abathanda ukubonakala kwayo.
UTimothi ucelwa ukuba afike kuPawuli9Phangisa uze kimi masinyane;
10ngoba uDema, ngokuthanda lumhlaba, ungihlamukile, waya eTesalonika, uKresena uye eGalathiya, uTitosi eDalmathiya; Kol 4:14; Filim 24; 2 Kor 8:23; Gal 2:3; Tit 1:4
11nguLuka yedwa olami; uze loMarko, ngoba uyangisiza kakhulu ngokungisebenzela. Kol 4:14; Filim 24; Seb 12:12, 25; 13:13; 15:37–39; Kol 4:10
12UTikiko ngimthume eEfesu. Seb 20:4; Efe 6:21–22; Kol 4:7–8
13Ekuzeni kwakho ungiphathele ijazi engalitshiya kuKarpo eTrowa, lezingwalo ikakhulu incwadi eziqakathekileyo. Seb 20:6
14UAleksandro umkhandi wethusi wangenzela okubi okunengi; iNkosi izakumbuyisela ngokwemisebenzi yakhe. 1 Tim 1:20; Hubo 62:12; Roma 2:6
15Umxwaye lawe, ngoba wamelana kakhulu lamazwi ethu.
16Ekuziphenduleleni kwami kwakuqala kwakungekho muntu owangimelayo; bonke bangihlamuka. Kakungabalelwa kibo lokho.
17Kodwa iNkosi yangimela, yangipha amandla okuba ngitshumayele ivangeli ngokupheleleyo, ukuze bonke abezizwe balizwe; ngakhutshwa emlonyeni wesilwane.
18INkosi izakungikhupha kukho konke okubi, ingisilisele umbuso wayo wezulu. Kakube kuyo ubukhosi kuze kube nininini. Ameni.
Isicino19Bingelela oPriska loAkwila lendlu kaOnesiforo. Seb 18:2; 2 Tim 1:16–17
20UErastu wasala eKorinte, uTrofimu ngamtshiya egula eMilethu. Seb 19:22; Roma 16:23; Seb 20:4; 21:29
21Phangisa ufike ubusika bungakafiki. Bayakubingelela oYubulu, loPudeni, loLino, loKlawudiya labo bonke abazalwane.
22INkosi kayibe lomoya wakho. Umusa kawube lani lonke.
Who We AreWhat We EelieveWhat We Do
2025 by iamachristian.org,Inc All rights reserved.
