uNehimiya 11 - Ndebele Bible (iBhayibhili Elingcwele) 1978

Abahlala beJerusalema

1Izinduna zabantu zahlala eJerusalema; abantu abaseleyo benza inkatho ukuba balethe oyedwa ebantwini bonke abalitshumi ukuhlala eJerusalema umuzi ongcwele, kuthi abaficamunwemunye etshumini bahlale kweminye imizi.

2Abantu bababonga abazinikela ukuyahlala eJerusalema.

3Nanzi izinduna zelizwe ezahlala eJerusalema. Abanye abakoIsrayeli, abapristi lamaLevi lezinceku zasethempelini lenzalo yezinceku zikaSolomoni bahlala endaweni zabo emizini yakoJuda.Neh 7:73

4Abanye bezizwe zakoJuda lakoBenjamini bahlala eJerusalema. KwabakoJuda kwakungoAthaya indodana kaUziya kaZekariya kaAmariya kaShefathiya kaMahalaleli, owendlu kaPerezi,

5loMahaseya indodana kaBaruki kaKolihoze kaHazaya kaAdaya kaJoyaribi kaZekariya owendlu yomShiloni.

6Wonke amadodana kaPerezi ayehlala eJerusalema engamakhulu amane lamatshumi ayisithupha lesificaminwembili ayengamaqhawe.

7Nanka amadodana kaBenjamini; uSalu indodana kaMeshulamu kaJowedi kaPedaya kaKolaya kaMahaseya kaIthiyeli kaJeshaya,

8lezihlobo zakhe oGabayi loSalayi, abantu abangamakhulu aficamunwemunye lamatshumi amabili lesificaminwembili.

9UJoweli indodana kaZikiri wayengumphathi wabo, loJuda indodana kaHasenuwa engumsizi wakhe phakathi komuzi.

10Kubapristi kwakungoJedaya indodana kaJoyaribi, loJakini,

11loSeraya indodana kaHilikiya kaMeshulamu kaZadoki kaMerayothi kaAhitubi, umphathi wendlu kaNkulunkulu,

12kanye labafowabo ababekhonza endlini yeNkosi, bengamakhulu aficaminwembili lamatshumi amabili lambili; loAdaya indodana kaJerohamu kaPelaliya kaAmzi kaZekariya kaPashuri kaMalikiya,

13labafowabo, inhloko zezindlu, bengamakhulu amabili lamatshumi amane lambili; loAmashayi indodana kaAzareli kaAhizayi kaMeshilemothi kaImeri,

14labafowabo, amadoda ayengamaqhawe alikhulu lamatshumi amabili lesificaminwembili; umphathi wabo wayenguZabidiyeli indodana kaHagedolimi.

15KumaLevi kwakunguShemaya indodana kaHashubi kaAzirikamu kaHashabiya kaBuni;

16loShabethayi loJozabadi, izikhulu zamaLevi ezaziphethe umsebenzi wangaphandle kwendlu kaNkulunkulu;

17loMathaniya indodana kaMika kaZabidi kaAsafi owayenguye owayeqalisa imikhuleko yokubonga; loBakibukiya owesibili phakathi kwabafowabo; loAbida indodana kaShamuwa kaGalali kaJeduthuni.

18Wonke amaLevi ayesemzini ongcwele ayengamakhulu amabili lamatshumi aficaminwembili lane.

19Abalindi bamasango babengoAkubi loTalimoni labafowabo ababelinda amasango babe likhulu lamatshumi ayisikhombisa lambili.

20AbakoIsrayeli abaseleyo babesemizini yonke yakoJuda, bonke besezindaweni zabo.

21Inceku zasethempelini zazihlala eOfeli ziphathwa nguZiha loGishipa.

22Umphathi wamaLevi eJerusalema wayenguUzi indodana kaBani kaHashabiya kaMathaniya kaMika owendlu kaAsafi abahlabeleli ababephatha umsebenzi wokuhlabela endlini kaNkulunkulu.

23Ngoba babengaphansi komthetho wenkosi belomsebenzi abawenzayo insuku zonke.

24UPethahiya indodana kaMeshezabeli, owendlu kaZera indodana kaJuda, wayengumeluleki wenkosi kuzo zonke indaba ezimayelana labantu.

Abahlala kweminye imizi

25Mayelana lemizana lamasimu ayo, abanye abakoJuda babehlala eKiriyathi‐Arba lemizaneni yakhona, laseDiboni lemizaneni yakhona, laseJekabizeli lemizaneni yakhona,

26laseJeshuwa laseMolada laseBeti‐Peleti

27laseHazar‐Ishuwali laseBerisheba lemizaneni yakhona,

28laseZiklagi laseMekona lemizaneni yakhona,

29laseEni‐Rimoni laseZora laseJarimuthi

30laseZanowa laseAdulamu lemizaneni yakhona, eLakishi lemimangweni yakhona, laseAzeka lemizaneni yakhona. Bahlala kusukela eBerisheba kusiya esihotsheni saseHinomu.

31LabakoBenjamini bahlala kusukela eGeba kusiya eMikimashi laseAyija laseBetheli lemizaneni yakhona,

32laseAnathothi laseNobi laseAnaniya

33laseHazori laseRama laseGithayimi

34laseHadidi laseZeboyimi laseNebalati

35laseLodi laseOno, laleSigodini sezingcitshi.

36Izigaba ezithile zamaLevi zazihlala koJuda lakoBenjamini.