Isa 6 - Ndebele Bible (iBhayibhili Elingcwele) 1978

Umbono lokubizwa kukaIsaya

1Ngomnyaka wokufa kwenkosi uUziya ngayibona iNkosi uNkulunkulu ihlezi esihlalweni sobukhosi esiphezulu lesiphakemeyo; umsila wengubo yayo wagcwalisa ithempeli.

4Insika zomnyango zanyinkinyeka ngenxa yelizwi lomemezayo, lendlu yagcwala intuthu.

10Yenza inhliziyo yalababantu ibe lukhuni,

lendlebe zabo zibe buthundu,

ufiphaze amehlo abo,

funa babone ngamehlo abo,

bezwe ngendlebe zabo,

baqedisise ngenhliziyo zabo,

baphenduke basiliswe.

11Ngasengisithi: Kuze kube nini, Nkosi, na? Yona yathi:

Kuze kuchitheke imizi, kusale kungaselamuntu kiyo,

lezindlu zisale zingaselabantu,

lelizwe lichitheke lithi nya,

12leNkosi ibaxotshele khatshana abantu,

lendawo ezinengi zisale zingaselabantu elizweni.

13Lanxa kusele kulo ingxenye yetshumi yabantu, izatshiswa,

njengesihlahla esikhulu, okusasele isidindi saso emhlabathini,

lapho isihlahla sesiganyuliwe.

— Esidindini kuzavela okutsha —