Hubo 101 - Ndebele Bible (iBhayibhili Elingcwele) 1978

Ukuthembisa ukuhamba ngendlela elungileyo

1Ngizakuhlabela ngesihawu langokulunga;

ngizakuhlabela kuwe, Nkosi.

2Ngizakulandela indlela elungileyo.

Uzakuza nini kimi na?

Ngizakuhamba ngobuqotho benhliziyo endlini yami.

3Kangiyikubeka phambi kwamehlo ami into embi.

Ngiyakuzonda ukwenza kwabaphambukayo;

kangiyikukuvuma.

4Ukuphambana kwenhliziyo kuzakuba khatshana lami;

kangiyikwazi okubi.

5Yena ohleba umakhelwana wakhe ensitha ngizakumchitha.

Ozigqajayo lozikhukhumezayo kangiyikumvumela.

6Ngizakuba lomusa kulabo abathembekileyo elizweni,

ukuze bahlale lami.

Yena ohamba endleleni elungileyo uzakungisebenzela.

7Okhohlisayo kayikuhlala endlini yami,

lokhuluma amanga kayikuma phambi kwami.

8Insuku zonke ekuseni ngizakubachitha bonke ababi elizweni,

ukuze ngibaqede bonke abenza okubi emzini weNkosi.