Mark 10 - Ndebele Bible (iBhayibhili Elingcwele) 1978

Ukuhlalisana kwabathetheneyo(Mat 19:1–12; Luka 16:18)

1Wasuka lapho, weza emikhawulweni yaseJudiya langaphetsheya kweJordani; amaxuku abuya abuthana kuye, waphinda ukubafundisa njengokujwayela kwakhe.

2Kweza kuye abaFarisi, bambuza ukuthi kuvunyelwe yini ukuba indoda ilahle umkayo, bemlinga.

3Wabaphendula wathi kubo: UMose walilaya ngokuthini na?

4Bathi: UMose wavuma ukuba kulotshwe incwadi yesahlukaniso, alahlwe.UJesu ukhuluma futhi ngokufa lokuvuka kwakhe(Mat 20:17–19; Luka 18:31–34)

32Babesendleleni besenyukela eJerusalema: uJesu wayehamba phambi kwabo; bamangala, lalabo ababelandela besaba. Wasethatha futhi abalitshumi lambili, waqala ukubatshela okuzamehlela,

33wathi: Khangelani, senyukela eJerusalema; iNdodana yomuntu izakunikelwa kubapristi abakhulu lakubabhali; bazakuyigwebela ukufa, bayinikele kwabezizwe;

34bazakuyiyangisa, bayikhafulele ngamathe, bayitshaye, bayibulale, kodwa emva kwensuku ezintathu izakuvuka.

UJesu ukhuza amadodana kaZebediya(Mat 20:20–23)

35Kweza kuye uJakobe loJohane amadodana kaZebediya, bathi kuye: Mfundisi, sithanda ukuba usenzele lokho esizakukucela.

36Wathi kubo: Lithanda ukuba ngilenzeleni na?

37Bathi kuye: Siphe ukuba omunye ahlale ngakwesokunene sakho, lomunye ngakwesokhohlo sakho ebukhosini bakho.

38UJesu wathi kubo: Kalikwazi elikucelayo. Linganatha yini inkezo engiyinathayo mina, ingabe libhaphathizwe ngobhaphathizo engibhaphathizwa ngalo mina na?Luka 12:50

39Bathi kuye: Singakwenza. UJesu wathi kubo: Inkezo engiyinathayo mina lizakuyinatha, lizakubhaphathizwa ngobhaphathizo engibhaphathizwa ngalo mina;

40kodwa ukuhlala ngakwesokunene sami ingabe ngakwesokhohlo sami kayisikho kwami ukuphana ngakho, kodwa kungokwalabo abakulungiselweyo.

Ubukhulu obuqotho(Mat 20:24–28; Luka 22:24–27)

41Sebekuzwile lokhu abalitshumi, baqala ukuthukuthela ngoJakobe loJohane.

42UJesu wasebabiza, wathi kibo: Liyazi ukuthi labo okuthiwa babusa izizwe bazibusa ngokulukhuni, lezikhulu zabo zisebenzisa amandla phezu kwazo.Luka 22:25–26

43Kodwa kakunjalo phakathi kwenu, kodwa yilowo lalowo othanda ukuba ngomkhulu phakathi kwenu kabe ngumfokazi wenu,Mat 23:11; Mark 9:35; Luka 22:26

44lalowo othanda ukuba ngowokuqala phakathi kwenu kabe yinceku yabo bonke.

45Ngoba leNdodana yomuntu kayizanga ukukhonzwa, kodwa ukukhonza lokunika ukuphila kwayo, kube lihlawulo labanengi.

UBartimewu isiphofu(Mat 20:29–34; Luka 18:35–43)

46Bafika eJeriko. Kwathi esephuma eJeriko labafundi bakhe lexuku elikhulu, uBartimewu indodana kaTimewu, umphanzi oyisiphofu, wayehlezi endleleni.

47Kwathi esezwile ukuthi nguJesu waseNazaretha, waqala ukumemeza wathi: Jesu, Ndodana kaDavida, akungihawukele!

48Abanengi bamkhuza, bathi kathule; kodwa kwang’khona ememeza kakhulu, esithi: Ndodana kaDavida, akungihawukele!

49UJesu wasesima, wathi: Mbizeni. Basibiza isiphofu, besithi kuso: Mana isibindi, sukuma, uyakubiza.

50Salahla ingubo yaso, sasukuma sathi lothu, saya kuJesu.

51UJesu wathi kuso: Ufuna ukuba ngikwenzeleni na? Isiphofu sathi kuye: Mfundisi, ukuba ngibone.

52UJesu wathi kuso: Hamba; ukukholwa kwakho kukusilisile. Sabona khona lapho, samlandela endleleni.