2 Lan 4 - Ndebele Bible (iBhayibhili Elingcwele) 1978

1Wenza lealtare lethusi, ubude balo buzingalo ezingamatshumi amabili, lobubanzi balo buzingalo ezingamatshumi amabili, lokuphakama kwalo kuzingalo ezilitshumi.

7Wenza lezinti zezibane zegolide ezilitshumi njengokumisiweyo, wazibeka ethempelini, ezinhlanu zaba ngaseningizimu, lezinhlanu zaba ngasenyakatho.Eks 25:31–40

8Wenza lamatafula alitshumi, wawabeka ethempelini, amahlanu aba ngaseningizimu, amahlanu aba ngasenyakatho. Wenza lemiganu yokuchela elitshumi.Eks 25:23–30

9Wenza iguma labapristi leguma elikhulu, lezivalo zeguma, wazinameka ngethusi izivalo.

10Walubeka ulwandle ngakwesokunene ngasengonsini yethempeli engaseningizimu yempumalanga.

11UHuramu wenza izimbiza lamafotsholo lemiganu yokuchela. Wasewuqeda umsebenzi ayewenzela uSolomoni endlini kaNkulunkulu,1 Kho 7:40–51

12insika ezimbili, leziduku ezimbili ezaziphezu kwezinsika, lamambule amabili okwembesa iziduku ezimbili ezisensikeni,

13lamapomegranati angamakhulu amane amambule womabili, imizila emibili yamapomegranati kulelo lalelombule, okwembesa iziduku ezimbili ezisensikeni.

14Wenza lezinqodlana ezilitshumi, lemiganu yezinqodlana elitshumi,

15lolwandle, lenkabi ezilitshumi lambili ngaphansi kolwandle;

16izimbiza lamafotsholo lamafolokwe, zonke lezizinto uHuramu wazenzela inkosi uSolomoni ngethusi elikhazimulayo zibe ngezethempeli.

17Inkosi yazibumbela emagcekeni aseJordani emhlabathini olibumba phakathi kweSukothi leZereda.

18USolomoni wazenza zonke lezizinto zaba zinengi kakhulu, kwaze kwahlula lokulinganisa ubunzima bethusi.

19USolomoni wazenzake zonke izinto ezazisendlini kaNkulunkulu, ialtare legolide, amatafula ezinkwa ezahlukaniselwe uNkulunkulu,

20izinti zezibane lezibane zazo ezenziwe ngegolide elihle ukukhanyisa endlini engaphakathi, njengokumisiweyo,

21lamaluba, lezibane, lezindlawu, wakwenza ngegolide elihle kakhulu,

22lezindlawu, lemiganu yokuchela, lemiganu yempepha, lezitsha zokuthwala umlilo, wazenza ngegolide elihle; iminyangoke yendlu, izivalo zayo ezingaphakathi, ezendawo engcwele kakhulu, lezivalo zethempeli zazingezegolide.