Mat 18 - Ndebele Bible (iBhayibhili Elingcwele) 1978

UJesu ufundisa ngokuthobeka langezikhubekiso(Mark 9:33–48; Luka 9:46–48; 17:1, 2)

1Ngalesosikhathi abafundi basondela kuJesu bathi: Ngubani omkhulu embusweni wezulu na?Imvu elahlekileyo(Luka 15:3–7)

12Lithini na? Uba umuntu elezimvu ezilikhulu, kulahleke enye kuzo, kazitshiyi yini ezingamatshumi aficamunwemunye lezificamunwemunye ezintabeni, ahambe ukuyadinga elahlekileyo na?

13Uba eyifumana, ngiqinisile ngithi kini: Uthokoza ngayo kakhulu kulangazo ezingamatshumi aficamunwemunye lezificamunwemunye ezingalahlekanga.

14Kunjalo kasiyo intando kaYihlo osezulwini ukuba kubhubhe abe munye walaba abancinyane.

Ukuphathwa kwabenza okubi(Luka 17:3)

15Alubana umfowenu ekona, hamba umsole lilodwa. Uba ekuzwa, umzuzile umfowenu.Ukukhuleka kwabahlanganyelayo

19Futhi ngiqinisile ngithi kini: Uba ababili benu bevumelana emhlabeni loba ngaluphi ulutho abalucelayo, bazakulwenzelwa nguBaba osezulwini.

20Ngoba lapho ababili ingabe abathathu babuthene khona ebizweni lami, ngikhona lapho phakathi kwabo.

Umfanekiso wenceku engelasihawu

21UPetro wasesondela wathi kuye: Nkosi, umfowethu uzakungona kangaki, ngimthethelela na? Kuze kube kasikhombisa na?Luka 17:3, 4

22UJesu wathi kuye: Kangitsho kuwe ukuthi kuze kube kasikhombisa, kodwa ngithi kuze kube kamatshumi ayisikhombisa ephindwe kasikhombisa.

23Ngakhoke umbuso wezulu unjengomuntu oyinkosi owayethanda ukuba inceku zakhe zimlandisele ngemali yakhe.

24Kwathi eseqalile ukubala, kwalethwa kuye enye elomlandu wamadola azinkulungwane ezinengi.

25Kodwa njengoba yayingelalutho lokuhlawula, inkosi yalaya ukuba ithengiswe lomkayo, labantwana bayo, lakho konke elakho, kuhlawulwe.

26Ngakho leyonceku yawa phansi, yayincenga, yathi: Ake ungibekezelele, ngizakukuhlawula konke.

27Inkosi yaleyonceku yayihawukela, yayikhulula, yayiyekela umlandu.

28Kodwa isaphuma leyonceku yafumana omunye wabayizinceku kanye layo olomlandu kuyo wamadola amalutshwana, yambamba, yamkhama, yathi: Hlawula umlandu wakho.

29Inceku leyo yawa phansi, yayincenga yathi: Ake ungibekezelele, ngizakukuhlawula.

30Kodwa yona yala, yasuka yayifaka entolongweni ize iwuhlawule lowomlandu.

31Ngakhoke abayizinceku kanye layo bekubona okwenzekileyo, badabuka kakhulu, baya babikela inkosi yabo konke okwenzekileyo.

32Ngakho inkosi yayo yayibiza, yathi kiyo: Wena nceku embi, wonke lowomlandu ngakuyekela ngoba wangincenga;

33ngabe kawumhawukelanga yini omunye wabayizinceku kanye lawe, njengokuba lami ngakuhawukela wena na?

34Inkosi yayo yathukuthela, yayinikela kubaphathi bentolongo, ize ihlawule wonke umlandu wayo.

35Uzakwenza njalo kini laye uBaba osezulwini uba lingathetheleli lowo lalowo umfowenu ngenhliziyo zenu.