1Ngakhoke kasedlule ezifundisweni zokuqala ngoKristu siqhubekele kokupheleleyo, singabeki futhi isisekelo sokuphenduka emisebenzini efileyo lesokukholwa kuNkulunkulu;
2asingafundisi futhi ngobhaphathizo langokubeka izandla, lokuvuka kwabafileyo, lokulahlwa okungapheliyo.
3Sizakuqhubekela phambili aluba uNkulunkulu evuma.
4Ngoba labo asebake bakhanyiswa, bezwa isipho sasezulwini, bahlanganyela loMoya oNgcwele,
5bezwa ilizwi elihle likaNkulunkulu kanye lamandla esikhathi esizayo,
6kodwa emva kwalokho babuya bahlamuka, kakulakwenzeka ukuba babuye bavuswe baphenduke, lokhu besazibethelela iNdodana kaNkulunkulu beyithela ngehlazo obala.
7Umhlabathi onatha izulu elina kanengi phezu kwawo, umile imibhida ebasizayo abawulimayo, uyabusiswa nguNkulunkulu;
8kodwa uba uveza ameva lokhula, kawusizi lutho, useduze lokuqalekiswa, ukuphela kwawo kuyikutshiswa.
Who We AreWhat We EelieveWhat We Do
2025 by iamachristian.org,Inc All rights reserved.
