1Mina Simoni Petro, inceku lomphostoli kaJesu Kristu, ngithi kubo abazuzileyo ukukholwa okufana lokwethu ngokulunga kukaNkulunkulu wethu loMsilisi uJesu Kristu:
2Kakwandiswe kini umusa lokuthula ngokumazi uNkulunkulu loJesu iNkosi yethu.
Abakholwayo bafanele ukuzithinta ngoba baphiwe okunengi nguNkulunkulu3Amandla akhe asinikile konke okumayelana lokuphila lokukhonza uNkulunkulu, ngokumazi yena owasibizela ebukhosini lebuhleni bakhe,
4esiphiwe ngakho izithembiso eziligugu lezinkulu kakhulu, ukuze ngazo liphephe ekuboleni okusemhlabeni ngenxa yezinkanuko, libe ngabahlanganyeli besimo sikaNkulunkulu.
5Ngalokhoke zamani ngawo wonke amandla ukwengezelela ukulunga ekukholweni kwenu, lasekulungeni lengezelele ukwazi,
6lasekwazini ukuzithinta, lasekuzithinteni ukubekezela, lasekubekezeleni ukukhonza uNkulunkulu,
7lasekukhonzeni uNkulunkulu ukuthanda abazalwane, lasekuthandeni abazalwane uthando.
8Ngoba uba lezizinto zikhona kini zisanda, ziyalenza ukuba lingabi ngabavilaphayo labangelazithelo ekwazini iNkosi yethu uJesu Kristu.
9Kodwa ongelazo lezizinto uyisiphofu, ubona kaluvivi, usekhohliwe ukuthi wahlanjululwa ezonweni zakhe ezindala.
10Ngakhoke, bazalwane, tshisekelani kakhulu ukuqinisa ukubizwa lokukhethwa kwenu; ngoba uba lisenza lokhu, kalisoze lakhubeka.
11Ngokwenza njalo lizakuba lokungena ngokupheleleyo embusweni ongapheliyo weNkosi yethu loMsilisi uJesu Kristu.
Ubufakazi bukaPetro lobobaprofethi12Ngakhoke ngizakuba ngilokhu ngilikhumbuza njalo lezizinto, lanxa lizazi, limi liqinile eqinisweni elilalo.
13Ngithi kufanele ukuba, nxa ngisekhona emzimbeni, ngilivuse ngilikhumbuze.
14Lokhu ngiyazi ukuthi kuseduze ukususwa komzimba wami, njengalokhu iNkosi yethu uJesu Kristu ingitshengisile.
15Ngizakulungisa ukuthi ngezikhathi zonke emva kokusuka kwami lisale lizikhumbula lezizinto.
16Ngoba sasingalilandiseli izinganekwane zobuqili, lapho silazisa amandla lokufika kweNkosi yethu uJesu Kristu, kodwa sasingabazibonelayo ubukhulu bayo.
17Ngoba lapho esamukela udumo lobukhosi okuvela kuNkulunkulu uBaba, lalapho kwezwakala ilizwi livela enkazimulweni yobukhosi lisithi: Lo uyiNdodana yami ethandekayo engithokoze ngayo;Mat 17:1–5; Mark 9:2–7; Luka 9:28–35
18sasilaye entabeni engcwele, salizwa lelolizwi elivela ezulwini.
19Seliqinisiwe kithi ilizwi labaprofethi, elenza kuhle lina ukuliqaphelisa kungathi liyisibane esikhanyayo endaweni emnyama, kuze kuse lekhwezi liphumele enhliziyweni zenu.
20Okokuqala yazini lokhu ukuthi kalikho ilizwi labaprofethi elivela emibhalweni elingachasiswa ngumuntu ngokwakhe;
21ngoba kakuzanga kuze isiprofethi ngentando yomuntu, kodwa abantu bekhokhelwa nguMoya oNgcwele bakhuluma okuvela kuNkulunkulu.
Who We AreWhat We EelieveWhat We Do
2025 by iamachristian.org,Inc All rights reserved.
