Hubo 4 - Ndebele Bible (iBhayibhili Elingcwele) 1978

Umkhuleko wakusihlwa wokucela uncedo

1Ngiphendula ekukhaleni kwami,

Nkulunkulu wokulunga kwami.

Wangikhulula enkathazweni.

Woba lomusa kimi, uzwe umkhuleko wami.

2Lina bantu, koze kube nini ubukhosi bami budunyazwa na?

Koze kube nini lithanda amazwi ayize, lifune amanga na?

3Kodwa yazini ukuthi iNkosi izahlukanisele olungileyo;

iNkosi iyangizwa lapho ngikhala kuyo.

4Yesabani, lingoni;

nakanani ekulaleni kwenu lilele, lithule.

5Linikele iminikelo yokulunga,

lithembe eNkosini.

6Banengi abathi: Ngubani ozakusitshengisa okuhle na?

Nkosi, phakamisela ukukhanya kobuso bakho phezu kwethu.

7Ungithokozisile enhliziyweni yami ukwedlula ukuthokoza kwabo

lapho betshaye inala yabo yamabele lewayini.

8Ngizakucambalala ngokuthula, ngilale ubuthongo,

ngoba wena Nkosi wedwa uyangilondoloza.