1Elokucinake, bazalwane, thokozani eNkosini. Ukulilobela futhi ngalezizinto kakungidinisi, kodwa lina kuyalivikela.
2Xwayani izinja, lixwaye abenza okubi, lixwaye abazisikayo.
3Ngoba singabokusoka thina esikhonza uNkulunkulu ngoMoya, siziqhenya kuKristu Jesu, singathembeli kokomzimba.
4Kodwa mina uqobo bengingaba lokuthembela kokomzimba. Uba umuntu ecabanga ukuthi ulokuthembela kokomzimba, mina ngilakho kakhulu;
5ngasokwa ngosuku lwesificaminwembili ngingowohlanga lukaIsrayeli, owesizwe sakoBenjamini, umHeberu wamaHeberu; ngokomlayo ngingumFarisi;Ukulunga okukuKristu kuyinzuzo
7Kantike lokho okwakuyinzuzo kimi ngakutshaya ize ngenxa kaKristu.
8Yebo impela, konke ngikutshaye ize ngenxa yobukhulu bokumazi uKristu Jesu iNkosi yami. Ngilahlekelwe yikho konke ngenxa yakhe, ngikutshaya imfucuza, ukuze ngizuze uKristu,
9ngifunyanwe kuye, ngingelakho ukulunga okungokwami okungomlayo, kodwa ngilalokho okungokukholwa kuKristu, ngitsho ukulunga okuvela kuNkulunkulu okungokukholwa;
10ukuze ngimazi yena, lamandla okuvuka kwakhe, ngihlanganyele enhluphekweni zakhe, ngimfuze ekufeni kwakhe,
11ukuze kuthi uba kungenzeka ngifinyelele ekuvukeni kwabafileyo.
12Kangitsho ukuthi sengifinyelele kulokho, lokuthi sengiphelelisiwe; kodwa ngizamelela ukuba mhlawumbe ngingakubamba yini lokho engabanjelwa khona nguKristu Jesu.
13Bazalwane, kangitsho ukuthi mina uqobo sengikubambile; kodwa kunye engikwenzayo, ngikhohlwa okungasemuva ngizamelele kokungaphambili,
14ngizamelela ukufika ekucineni, ngizuze umvuzo wokubizwa okukhulu kwaphezulu okukaNkulunkulu kuKristu Jesu.
15Ngakhoke thina esesiphelele asibe lomqondo onjalo; uba ezintweni ezithile lilomqondo omunye, lalokhu uNkulunkulu uzakulambulela khona.
16Kasihambe ngalezondlela esesifinyelele kuzo.
UPawuli ubeluleka ngokumlandela17Bazalwane, ngilingisani, libaqaphelisise abahamba njengathi esiyisibonelo senu.1 Kor 4:16; 11:1
18Ngoba abanengi, engalitshela kanengi ngabo, lakhathesi ngilitshela ngezinyembezi, bahamba njengezitha zesiphambano sikaKristu;
19ukuphela kwabo kuyikubhujiswa, unkulunkulu wabo uyisisu, lodumo lwabo lusehlazweni labo, bathanda izinto zomhlaba.
20Kodwa thina ikithi lisezulwini, lapho futhi silindele ukuba kuvele khona uMsilisi, iNkosi uJesu Kristu,
21ozakuphendula isimo somzimba wethu wasemhlabeni, ufane lomzimba wakhe olenkazimulo, ngamandla awaphiweyo ukuba azehlisele ngaphansi kwakhe zonke izinto.
Who We AreWhat We EelieveWhat We Do
2025 by iamachristian.org,Inc All rights reserved.
