1Kwathi emva kokufa kukaMose inceku yeNkosi, iNkosi yathi kuJoshuwa indodana kaNuni, umsizi kaMose:
2UMose inceku yami usefile; ngakhoke suka uchaphe leliJordani wena labo bonke lababantu bakoIsrayeli, liye elizweni engilinika lona.
3Yonke indawo ezakunyathelwa zinyawo zenu ngilinikile yona njengokuthembisa kwami kuMose.Dute 11:24–25
4Kusukela enkangala ngaseningizimu kuze kufike eLebanoni ngasenyakatho, kusukela emfuleni omkhulu iYufrathi ngasempumalanga, lonke ilizwe lamaHethi, kuze kufike oLwandle olukhulu ngasentshonalanga, kuzakuba yilizwe lenu.
5Kakulamuntu ozakumelana lawe zonke insuku zokuphila kwakho. Njengalokhu ngangiloMose, lawe ngizakuba lawe; kangisoze ngikulahle, kangisoze ngikutshiye.Dute 31:6, 8; Heb 13:5
6Qina, ume isibindi, ngoba nguwe ozanika lababantu ilizwe engafunga ukulinika okhokho babo.Dute 31:6, 7, 23
7Qinake, ube lesibindi, uqaphelise ukugcina wonke umlayo uMose inceku yami akulaya ngawo; ungaphambuki kuwo uye ngakwesokunene loba ngakwesokhohlo ukuze uphumelele kuhle kukho konke okwenzayo.
8Umlayo okulincwadi ungasuki emlonyeni wakho, uzacabanga ngawo emini lebusuku ukuba uqaphelise ukwenza konke okulotshiweyo, ukuze ukhule uphumelele kukho konke okwenzayo.
9Kangikulayanga na? Ngathi: Qina, ume isibindi; ungesabi, utshaywe luvalo, ngoba iNkosi uNkulunkulu wakho ilawe kuyo yonke indawo lapha uya khona.
10UJoshuwa waselaya izinduna zabantu,
11esithi: Ngenani ezihonqweni litshele abantu lithi: Zilungiseleni umphako, ngoba ngensuku ezintathu lizachapha iJordani leli, ukuba lingene elizweni iNkosi uNkulunkulu wenu eyalinika lona ukuba lihlale kilo.
12UJoshuwa wakhuluma labakoRubeni labakoGadi lengxenye yesizwe sakoManase wathi:Nani 32:28–32; Dute 3:18–20; Josh 22:1–6
13Khumbulani ilizwi alilaya ngalo uMose inceku yeNkosi esithi: INkosi uNkulunkulu wenu izalinika indawo yokuphumula, ilinike lelilizwe.
14Omkenu labantwana benu lenkomo zenu kuzasala elizweni uMose alinika lona ngaphetsheya kweJordani; kodwa wonke amabutho enu azachapha ehlomile phambi kwabafowenu, abasize,
15iNkosi ize ibanike abafowenu ukuphumula njengani, bangene elizweni iNkosi uNkulunkulu wenu ebanika lona. Libuyeke elizweni lenu, lihlale kilo, ilizwe uMose inceku yeNkosi alinika lona ngaphetsheya kweJordani ngasempumalanga.
16Basebemphendula uJoshuwa besithi: Konke osilaya khona sizakukwenza, lalapho uzasithuma khona sizakuhamba.
17Njengalokhu samlalela uMose ezintweni zonke, laweke sizakukulalela. Kuphela nje iNkosi uNkulunkulu wakho ibe lawe njengoba yayiloMose.
18Lowo odelela umlayo wakho engalaleli amazwi akho kukho konke omlaya khona uzabulawa. Qina kuphela, ume isibindi.
Who We AreWhat We EelieveWhat We Do
2025 by iamachristian.org,Inc All rights reserved.
