1Qaphelisa nxa usiya endlini kaNkulunkulu; ukusondela ukuba uzwe kungcono kulokunikela imihlatshelo yezithutha, ngoba zona kazazi ukuba zenza okubi.
2Ungabi lamawala ngomlomo wakho, ungaphangisi ukwenza izithembiso phambi kukaNkulunkulu; ngoba yena usezulwini, wena usemhlabeni, ngakho amazwi akho kawabe yingcosana.
3Ukuphupha kuvela ekukhathazekeni okunengi, lokukhuluma kobuthutha kuvela emazwini amanengi.
4Lapho usenza isifungo kuNkulunkulu ungaphuzi ukusigcwalisa, ngoba kathokozi ngezithutha; gcwalisa isifungo sakho.Hubo 66:13, 14
5Kungcono ukuba ungafungi kulokufunga isifungo ungasigcwalisi.
6Ungavumeli ulimi lwakho lukungenise esonweni, ubususithi phambi kukaNkulunkulu bekuyisiphosiso; uNkulunkulu angakuthukuthelela ngamazwi akho, achithe lemisebenzi yakho yonke.
7Lanxa uphupha amaphupho amanengi, wenze okulize, ulawule, kumele umesabe uNkulunkulu.
Konke kulize8Uba ubona elizweni ukucindezelwa kwabayanga lokusweleka kokulunga lokwahlulela, kungakumangalisi okwenziwayo, ngoba zonke induna zibekelwe abakhulu ukuzikhangela, lomkhulu kulabo bonke uyabakhangela bonke.
9Into engasiza ilizwe yinkosi enanzelela ukulima okuhle.
10Lowo othanda imali kayikwaneliswa yimali, laye othanda inotho kayikwaneliswa yinotho; lokho lakho kulize.
11Nxa inotho isanda, bayanda labayidlayo; lomnikazi wayo kumsizani ngaphandle kokuyibuka kuphela na?
12Isisebenzi silala ubuthongo obumnandi loba sisidla okulutshwana loba okunengi; kodwa onothileyo olokunengi kakhulu ahluleke ukulala.
13Kukhona ububi obudanisayo esengibubonile ngaphansi kwelanga; ngibonile umuntu ezizuzela inotho ezakumlimaza,
14leyonotho ichitheke ngonyanya omubi, azale umntwana engaselalutho.
15Njengokuphuma kwakhe esiswini sikanina uzabuyela khona eze enjengokuphuma kwakhe; konke ukutshikatshika kwakhe kakuyikumvezela ulutho angabuyela lalo.Jobe 1:21; Hubo 49:17; 1 Tim 6:7
16Lokho lakho kuyibubi obudanisayo ukuthi uzabuyela enjengokuzalwa kwakhe. Uzakuzuzani nxa umsebenzi wakhe wonke ungoweze,
17echitha zonke insuku zakhe emnyameni lasosizini, ekukhathazekeni lasemkhuhlaneni lasekuthukutheleni na?
18Engikubonileyo mina ukuthi kuhle kuyikuba umuntu adle anathe azithokozise ekutshikatshikeni kwakhe konke atshikatshika kukho ngaphansi kwelanga ensukwini zakhe zonke ezilutshwana uNkulunkulu amnike zona zibe yisabelo sakhe.
19Kuyisiphiwo sikaNkulunkulu ukuba amnike inotho lempahla lamandla azithokozise ngakho, amukele isabelo sakhe, azithokozise ngomsebenzi wakhe.
20Kayikukhumbula kakhulu insuku zokuphila kwakhe, ngoba uNkulunkulu emnikile ukuthokoza enhliziyweni yakhe.
Who We AreWhat We EelieveWhat We Do
2025 by iamachristian.org,Inc All rights reserved.
