Roma 11 - Ndebele Bible (iBhayibhili Elingcwele) 1978

AbakoIsrayeli abakhethiweyo nguNkulunkulu bayasiliswa

1Ngalokhoke ngithi: UNkulunkulu ubalahlile abantu bakhe na? Phinde! Ngoba mina ngokwami ngingumIsrayeli, ngingowenzalo kaAbrahama lowesizwe sikaBenjamini.

9LoDavida uthi:

Ukudla kwabo kakube ngumjibila lesifu,

lesikhubekiso lempindiselo kibo;

10amehlo abo kawafiphale ukuba bangaboni,

kugotshwe umhlane wabo kokuphela.

11Ngakho ngithi: Bakhubeka ukuba bawe na? Phinde! Kodwa ngesiphambeko sabo ukusilisa sekufikile kwabezizwe ukumvusela uIsrayeli umona.

12Kodwa uba isiphambeko sabo sinothisa umhlaba, lokwahluleka kwabo kunothisa abezizwe, ukuphelela kwabo kuzaletha okukhulu kangakanani.

Ukusilisa kwafika kwabezizwe

13Ngikhuluma lani lina bezizwe. Njengalokho mina ngingumphostoli wabezizwe ngikhulisa inkonzo yami,

14ukuba mhlawumbe ngibavusele umona abakithi, ngisilise abanye babo.

15Ngoba uba ukulahlwa kwabo kuyikubuyiswa komhlaba, ukwamukelwa kwabo kungaba yini na? Kungaba yikuphila kwabafileyo!

16Uba ingxenye yokuqala yenhlama ingcwele, lenhlama yonke injalo; uba impande ingcwele, lengatsha zinjalo.

17Kodwa uba kwaphulwe ezinye ingatsha, lawe oyisihlahla seoliva sasegangeni waxhunyelelwa endaweni yazo ukuba uhlanganyele lazo impande lomhluzi wesihlahla,

18ungazincomi phezu kwengatsha. Uba uzincoma, khumbula ukuba kasuwe othwele impande, kodwa impande zithwele wena.

19Uzakuthi wena: Ingatsha zaphulwa ukuba mina ngixhunyelwe.

20Kulungile; zaphulwa ngokungakholwa kwabo; wena umi ngokukholwa. Ngakho ungazikhukhumezi, kodwa yesaba;

21ngoba uba uNkulunkulu engayekelanga ingatsha zemvelo, lawe kayikukuyekela.

22Khangelake ububele lobukhali bukaNkulunkulu; ubukhali kulabo abawayo, kodwa kuwe kukhona ububele uba uhlala ebubeleni; uba kungenjalo, uzakuqunywa lawe.

23Lalabo, uba beyekela ukungakholwa kwabo, bazakuxhunyelwa, ngoba uNkulunkulu ulamandla okubaxhuma.

24Ngoba uba wena waqunywa esihlahleni seoliva sasegangeni ngemvelo, waxhunyelelwa ngokuphambene lemvelo esihlahleni seoliva esihlanyelweyo, ikakhulu labo beyizingatsha zemvelo bazakuxhunyelelwa esihlahleni sakibo.

UNkulunkulu ulesihawu kibo bonke abantu

25Ngithanda ukuba lazi limfihlakalo, bazalwane, funa lizitshaye abahlakaniphileyo, ukuthi ingxenye kaIsrayeli yehlelwe yibulukhuni kuze kungene abezizwe ngokupheleleyo

26andubana uIsrayeli wonke ezakusiliswa, njengokulotshiweyo ukuthi:

Kuzakuvela eZiyone uMkhululi,

asuse ububi kuJakobe;

27yilesi isivumelwano engizakubanika sona,

lapho ngisusa izono zabo.

28Ngokwevangeli bayizitha zikaNkulunkulu ngenxa yenu; kodwa ngokukhetha kwakhe bangabathandiweyo ngenxa yabokhokho.

29Ngoba iziphiwo zikaNkulunkulu lokubiza kwakhe kakulakuphenduka.

30Njengalokhu lina kade lingamlaleli uNkulunkulu, kodwa selihawukelwe ngenxa yokungalaleli kwabo,

31ngokunjalo lalabo kabalalelanga ukuze ngesihawu elenzelwe sona bahawukelwe khathesi.

32Ngoba uNkulunkulu ubenzile bonke abantu ukuba bangalaleli, ukuze abe lesihawu kibo bonke.

33Yeka ukuzika kwenotho, lokuhlakanipha, lolwazi lukaNkulunkulu! Yeka izahlulelo zakhe ezingaphenyekiyo lendlela zakhe ezingalandelekiyo!

35Ngubani owake wamnika ulutho

ukuba alubuyiselwe na?

36Ngoba konke kuvela kuye, kungaye, kuya kuye; kakube kuye ubukhosi kuze kube nininini. Ameni.