Roma 1 - Ndebele Bible (iBhayibhili Elingcwele) 1978

Isibingelelo

1Mina Pawuli, inceku kaKristu Jesu ebizelwe ukuba ngumphostoli, yahlukaniselwa ivangeli likaNkulunkulu,

2alithembisa ngaphambili ngabaprofethi bakhe emibhalweni engcwele.

3Lona limayelana leNdodana yakhe eyazalwa enzalweni kaDavida ngokwenyama,

4kodwa ngokukaMoya wobungcwele yabonakaliswa ngamandla ukuthi iyiNdodana kaNkulunkulu ngokuvuka kwabafileyo, uJesu Kristu iNkosi yethu.

5Samukela ngaye umusa lobuphostoli ukuba kube khona ukulalela kokukholwa ezizweni zonke ngenxa yebizo lakhe,

6elikuzo lani elingababiziweyo bakaJesu Kristu.

7Ngithi kubo bonke abathandiweyo nguNkulunkulu abaseRoma ababizelwe ukuba ngabangcwele: Kakube kini umusa lokuthula okuvela kuNkulunkulu uBaba, laseNkosini uJesu Kristu.

Isifiso sikaPawuli ukutshumayela ivangeli eRoma

8Kuqalake ngibonga uNkulunkulu wami ngoJesu Kristu ngani lonke, ngoba ukukholwa kwenu kunconywa emhlabeni wonke.

9UNkulunkulu, engimkhonza emoyeni wami ngevangeli leNdodana yakhe, ungufakazi wami wokuthi kangiyekeli ukulikhumbula emikhulekweni yami

10ngikhulekela ukuba, uba kungenzeka ngentando kaNkulunkulu, ngiphumelele ukuza kini.

11Ngoba ngilangatha ukulibona ukuze ngilabele isiphiwo esithile sokomoya ukuba liqiniswe,

12ngitsho ukuthi ngiduduzeke kanye lani, mina ngokukholwa kwenu lani ngokukholwa kwami.

13Ngithanda, bazalwane, ukuba lazi ukuthi ngazimisela kanengi ukuza kini, ukuba ngizuze izithelo lakini njengakwezinye izizwe, kodwa ngabambeka kuze kube khathesi.Intukuthelo kaNkulunkulu ngezono zabezizwe

18Ngoba ulaka lukaNkulunkulu oluvela ezulwini luyabonakala phezu kwabo bonke ububi lokungalungi kwabantu abavimbela iqiniso ngokungalungi kwabo.

19Ngoba lokho okwaziwayo ngaye uNkulunkulu kusobala phakathi kwabo; ngoba uNkulunkulu ukubonakalisile kibo.

20Selokhu kwadatshulwa umhlaba isimo sakhe esingabonwayo, okutsho amandla akhe angelakuphela lobuNkulunkulu bakhe, kubonakele ngokusobala, kubonakaliswa ngezenzo zakhe. Ngakhoke kabalakuzivikela;

21ngoba kuthe bemazi uNkulunkulu, kabamdumisanga njengoNkulunkulu, kabambonganga; ngakho ukucabanga kwabo konke kwaba yize, ingqondo zabo ezingaqondiyo zaba mnyama.Efe 4:17–18

22Bezitshaya abahlakaniphileyo, baba yizithutha,

23lenkazimulo kaNkulunkulu ongabhubhiyo bayiphendula yafana lomfanekiso womuntu obhubhayo, lowezinyoni, lowezinyamazana, lowokuhuquzelayo.Dute 4:16–18

24Ngalokhoke uNkulunkulu wabayekela emanyaleni ezinkanuko zenhliziyo zabo ukuba badumaze imizimba yabo,

25ngoba baphendula iqiniso ngoNkulunkulu balenza amanga, bakhuleka bekhonza okudaliweyo kuloMdali ongobongekayo kuze kube nininini; Ameni.

26Ngenxa yalokho uNkulunkulu wabayekela enkanukweni ezimbi. Abesifazana babo baphendula ukwenza kwemvelo kwaba ngokuphambene lemvelo.

27Ngokunjalo labesilisa bayekela ukwenza kwemvelo esifazaneni, batsha ngokukhanukana; abesilisa benzana okulihlazo, bamukeliswa umvuzo ofanele ukuduha kwabo.

28Kuthi njengalokhu bengakunanzanga ukumazi uNkulunkulu, uNkulunkulu wabayekela baba lenhliziyo ebolileyo ukuba benze okungafanelanga,

29begcwele konke ukungalungi, lobubi, lomhawu, lenzondo; begcwele umona, lokubulala, lenkani, lenkohliso, lolunya; bengabahlebayo

30labanyeyayo, labazonda uNkulunkulu, labangelamakhanda, labazigqajayo, labazikhukhumezayo, labaqambi bokubi, labangalaleli abazali,

31labayizithutha, labangathembekanga, labangelathando, labangelasihawu;

32bewazi umthetho kaNkulunkulu wokuthi abenza okunjalo bafanele ukufa, kodwa bayakwenza; futhi bavumelana labakwenzayo.