1Elokucinake, bazalwane, siyalincenga, sililaya ngeNkosi uJesu ukuba njengalokhu lakufunda kithi ukuthi lifanele ukuhamba lokumthokozisa kanjani uNkulunkulu, njengalokho lihamba ngokunjalo, kwenzenike lokhu kakhulu.
2Ngoba liyayazi imilayo esalinika yona ngayo iNkosi uJesu.
3Intando kaNkulunkulu yikuba libe ngcwele, lizithinte ekuphingeni;
4ilowo lalowo wenu kakwazi ukuphatha umzimba wakhe ngobungcwele langokuhlonipha.
5Lingabuswa yinkanuko njengabangakholwayo abangamaziyo uNkulunkulu;
6kakungabi khona loyedwa owonayo, aphambe umfowabo ngolutho, ngoba iNkosi ingumphindiseli kukho konke lokho, njengoba salitshela, saqinisa ngaphambili.
7Ngoba uNkulunkulu kasibizelanga emanyaleni, kodwa wasibizela ebungcweleni.
8Ngakhoke lowo odelela lokhu kadeleli muntu, kodwa udelela uNkulunkulu olinika uMoya wakhe oNgcwele.
9Mayelana lothando lobuzalwane kalidingi ukuba ngililobele, ngoba lina uqobo lifundisiwe nguNkulunkulu ukuba lithandane.
10Lempela liyakwenza lokhu, liyabathanda bonke abazalwane abaseMakedoniya lonke. Kodwa siyalilaya, bazalwane, ukuba likwenze lokhu kakhulu,
11likhuthalele ukuhlala ngokuthula, ngokwenza okwenu, lisebenze ngezandla zenu, njengoba salilaya,
12ukuze lizuze ukuhlonitshwa ngabangaphandle, lingasweli lutho.
Ukuvuka kwabafileyo13Kasithandi, bazalwane, ukuba lingabi lakwazi ngalabo asebefile, ukuze lingadabuki njengabanye abangelalo ithemba.
14Ngoba uba sikholwa ukuthi uJesu wafa, wabuya wavuka, ngokunjaloke uNkulunkulu uzakubavusa ngaye uJesu labo asebefile.
15Ngoba lokhu sikutsho kini ngelizwi leNkosi ukuthi thina, esisekhona esitshiywe kuze kube sekufikeni kweNkosi, kasiyikubandulela isibili labo asebafa;1 Kor 15:51, 52
16ngoba iNkosi uqobo izakwehla ivela ezulwini ngomdumo, ngokumemeza kwesithunywa, langokukhala kophondo lukaNkulunkulu; labafileyo kuKristu bazakuvuka kuqala;
17thinake esisekhona sisasele sizakuhluthunelwa kanye labo emayezini, sihlangabeza iNkosi emoyeni; sihlale layo kokuphela.
18Ngakhoke duduzanane ngalamazwi.
Who We AreWhat We EelieveWhat We Do
2025 by iamachristian.org,Inc All rights reserved.
