1UIsrayeli wasuka lakho konke ayelakho, wafika eBerisheba, wanikela iminikelo kuNkulunkulu kayise uIsaka.
2UNkulunkulu wakhuluma kuIsrayeli ngemibono yasebusuku wathi: Jakobe, Jakobe! Wathi: Ngilapha.
3Wasesithi: NginguNkulunkulu, uNkulunkulu kayihlo; ungesabi ukuya eGibithe, ngoba ngizakukwenza ube yisizwe esikhulu khona;
4mina ngizakuya lawe eGibithe, ngibuye ngikukhuphe; ekufeni kwakho uJosefa uzavala amehlo akho.
5UJakobe wasesuka eBerisheba. Amadodana kaIsrayeli amthwala uJakobe uyise labantwana bawo labomkawo ngezinqola ayezithumile uFaro ukumthwala.
6Bathatha inkomo zabo lempahla zabo ababezizuzile elizweni laseKanani, bafika eGibithe, uJakobe lenzalo yakhe yonke,UJakobe labantwana bakhe eGibithe
28UJakobe wasethuma uJuda ngaphambi kwakhe ukuyatshela uJosefa ukuba amhlangabeze eGosheni; bafika elizweni laseGosheni.
29UJosefa esebophele inqola yakhe, waya eGosheni ukumhlangabeza uIsrayeli uyise; wazibonakalisa kuye, wamgona, wakhala isikhathi eside emgonile.
30UIsrayeli wasesithi kuJosefa: Sengingafa lokhu sengikubonile, ngiyazi ukuthi usekhona.
31UJosefa wathi kubafowabo lakubo abendlu kayise: Ngizahamba ngiyemtshela uFaro ngithi: Abafowethu labendlu kababa ababeselizweni laseKanani sebefikile;
32lamadoda angabelusi ngoba abengamadoda afuyileyo; eze lezimvu zawo lenkomo zawo lempahla yawo yonke.
33Kuzakuthi lapho uFaro elibiza esithi: Uyini umsebenzi wenu?
34kalibokuthi: Inceku zakho zingabantu bemfuyo, kusukela ebutsheni bethu kuze kube khathesi, thina labobaba. Ngalokhu lizavunyelwa ukwakha elizweni laseGosheni, ngoba wonke umalusi wezimvu uyanengeka kumaGibithe.
Who We AreWhat We EelieveWhat We Do
2025 by iamachristian.org,Inc All rights reserved.
