1INkosi yathi kuMose:
2Tshela abantu bakoIsrayeli ukuba bakuphe izinduku, ibenye kuleso lalesosizwe, zonke izikhulu zezizwe zikuphe induku ezilitshumi lambili. Gwala ibizo lalowo lalowomuntu endukwini yakhe,
3ugwale endukwini kaLevi ibizo likaAroni. Ngoba yileyo laleyonhloko yezizwe izakuba lenduku.
4Uzibeke ethenteni lokuhlangana ngaphambi kobufakazi, lapho ngihlangana lawe khona.
5Umuntu olenduku yakhe ehlumayo uzakuba nguye engizakumkhetha; ngalokhu ngizakwenza ukuba abakoIsrayeli bayekele ukulisola.
6UMose wakhuluma ebantwini bakoIsrayeli; zonke izikhulu zabo zamnika izinduku, yabanye kuleso lalesosikhulu; kwakukhona izinduku ezilitshumi lambili zilingana lezizwe; lenduku kaAroni yayiphakathi kwezinduku zazo.
7UMose wazibeka induku phambi kweNkosi ethenteni lobufakazi.
8Kusisa uMose wangena ethenteni lobufakazi, wabona ukuthi induku kaAroni eyesizwe sikaLevi isihlumile, ikhuphile amahlumela, ivezile amaluba, ithele izithelo.Heb 9:4
9UMose wazikhuphela phandle zonke induku phambi kweNkosi, wazitshengisa bonke abakoIsrayeli; bazikhangela, omunye lomunye wathatha induku yakhe.
10INkosi yathi kuMose: Buyisela induku kaAroni ngaphambi kobufakazi, igcinwe khona, ibe yisibonakaliso kubo abahlamukayo, ukuze bayekele ukungisola, bangafi.
11UMose wenza njalo; wenza njengokutsho kweNkosi.
12Abantu bakoIsrayeli bathi kuMose: Khangela, sabhubha, safa, sonke safa!
13Bonke abasondela eTabernakeleni bazakufa. Sizakubhubha sonke na?
Who We AreWhat We EelieveWhat We Do
2025 by iamachristian.org,Inc All rights reserved.
