Hubo 11 - Ndebele Bible (iBhayibhili Elingcwele) 1978

INkosi iyisiphephelo sabaqotho

1Ngiyaphephela eNkosini.

Ngakho lingatsho kanjani kimi ukuthi:

Balekela ezintabeni njengenyoni,

2ngoba, khangela, ababi bayagobisa amadandili abo,

sebebekile imitshoko yabo entanjeni,

ukuba bacibe emnyameni abaqotho ngenhliziyo.

3Nxa isisekelo sidilizwa,

angenze njani olungileyo na?

4INkosi isethempelini layo elingcwele;

isihlalo sayo sobukhosi sisezulwini;

iyakhangela bonke abantu,

iqaphelise konke abakwenzayo.

5INkosi iyabahlola abalungileyo lababi,

umphefumulo wayo uyazonda othanda okubi.

6Phezu kwababi uzakwehlisela amalahle omlilo lesolufa;

lomoya otshisayo uzakuba yisabelo sabo.

7Ngoba iNkosi ilungile, iyathanda ukulunga;

abaqotho bazakubona ubuso bayo.