1Yazi lokhu ukuthi ensukwini zokucina kuzakufika izikhathi ezinzima.
2Ngoba abantu bazakuba ngabazithandayo, labathanda imali, labazigqajayo, labaziqakisayo, labathukayo, labangalaleli abazali babo, labangabongiyo, lababi,
3labangelathando, labanhliziyo zilukhuni, labahlebayo, labangazikhuziyo, labalolaka, labazonda okuhle,
4labanikela abanye, labalamawala, labagcwele ukuzikhukhumeza, labathanda ukuzithokozisa kulokuthanda uNkulunkulu,
5labalesimo sokukholwa kodwa amandla akho bewaphika. Baxwaye abanjalo.
6Phakathi kwabo bakhona abanyenyela ezindlini bathumbe abesifazana ababuthakathaka, abasindwa yizono bebuswa yizinkanuko eziyizinhlobonhlobo,
7bethanda ukufundiswa njalonjalo, kodwa bengeke bafinyelele ekulazini iqiniso.
8Njengoba uJane loJambere bamelana loMose, ngokunjalo lalaba bamelana leqiniso, bengabantu abalengqondo eyonakeleyo, abehluleka ukukholwa. Eks 7:11
9Kodwa kabayikufika ngaphi, ubuthutha babo buzakuba sobala kibo bonke, njengoba kwaba njalo lakulabo ababili.
Ukubambelela esifundisweni esilungileyo10Kodwa wena ulandele ukufundisa kwami, lokuziphatha kwami, lokuhamba kwami, lokukholwa kwami, lokubekezela kwami, lothando lwami, lokuqinisela kwami,
11lokuzingelwa kwami, lezinhlupheko zami, lakho konke okwangehlela eAntiyoki, laseIkoniyuma, laseListra, lezinhlupheko zonke engazithwalayo; kodwa iNkosi yangophula kukho konke. Seb 13:14–52; 14:1–7, 8–20
12Yebo, bonke abathanda ukuhamba ngobuqotho kuKristu Jesu bazazingelwa;
13kodwa abantu ababi labakhohlisi bazakuqhubekela phambili ebubini, bekhohlisana.
14Kodwa wena mana kulokho okufundileyo lowaqiniseka kukho, wazi ukuthi ukufunde kubani,
15lokuthi kusukela ebuntwaneni wayazi imibhalo engcwele elamandla okukufundisela ukusiliswa ngokukholwa kuKristu Jesu.
16Yonke imibhalo yafunzelelwa nguMoya kaNkulunkulu, ilungele ukufundisa lokukhalimela lokuqondisa, lokufundisela ukulunga,
17ukuze umuntu kaNkulunkulu aphelele, alungiselwe yonke imisebenzi emihle.
Who We AreWhat We EelieveWhat We Do
2025 by iamachristian.org,Inc All rights reserved.
