Hubo 114 - Ndebele Bible (iBhayibhili Elingcwele) 1978

Isihlabelo sePhasika

1Kwathi ekuphumeni kukaIsrayeli eGibithe,

lendlu kaJakobe ebantwini bolunye ulimi,

2uJuda waba yindlu yeNkosi engcwele,

loIsrayeli waba ngumbuso wayo.

3Ulwandle lwakubona lwabaleka,

leJordani yabuyela emuva.

4Intaba zaqolotsha njengezinqama,

lamaqaqa njengamawundlu.

5Kwenze njani wena lwandle, ukuba ubaleke na?

lawe Jordani, ukuba ubuyele emuva na?

6lani zintaba, ukuba liqolotshe njengezinqama na?

lani maqaqa, njengamawundlu na?

7Thuthumela, mhlaba, phambi kweNkosi,

phambi kukaNkulunkulu kaJakobe,

8yena ophendula idwala libe lichibi lamanzi,

lelitshe eliqinileyo libe ngumthombo wamanzi.