1Mayelana lokuhlatshelwe izithombe siyazi ukuthi silakho ukwazi. Ukwazi kuyakhukhumeza, kodwa uthando luyakha.
2Uba umuntu esithi uyazi ulutho, kakazi njengokuba kufanele ukuba azi;
3kodwa uba umuntu ethanda uNkulunkulu, yena uyaziwa nguye.
4Ngakhoke mayelana lokudla okuhlatshelwe izithombe, siyazi ukuthi kasikho isithombe emhlabeni lokuthi kakho omunye unkulunkulu, munye kuphela.
5Lanxa kukhona okuthiwa ngonkulunkulu, loba kusezulwini loba kusemhlabeni, impela kukhona onkulunkulu abanengi lamakhosi amanengi;
6kanti kithi kukhona uNkulunkulu munye, uYise, okuvela kuye izinto zonke, lathi siphilela yena; leNkosi yinye, uJesu Kristu, okwavela ngaye konke, lathi sikhona ngaye.
7Kodwake lokhukwazi kakukho kubo bonke. Abanye, lokhu bejwayelene lezithombe kuze kube khathesi, bayakudla ukudla njengokuhlatshelwe izithombe, lesazela sabo esibuthakathaka siyangcola.
8Ukudla kakusisondezi kuNkulunkulu; ngoba loba singadli, kasilahlekelwa lutho; loba sisidla, kasizuzi lutho.
9Qaphelanike, funa lelilungelo lenu libe yisikhubekiso kwababuthakathaka.
10Uba umuntu ekubona wena olokwazi uhlezi ekudleni ethempelini lesithombe, isazela salowo osebuthakathaka kasiyikulingwa yini, aze adle okuhlatshelwe izithombe na?
11Obuthakathaka, umzalwane amfelayo uKristu, uzakubhubha ngenxa yokwazi kwakho.
12Uba lisona ngokunjalo kubazalwane, lilimaza izazela zabo ababuthakathaka, liyona kakhulu kuKristu.
13Ngakhoke uba ukudla kumkhubekisa umzalwane, kangisoze ngidle inyama, funa ngikhubekise umzalwane wami.
Who We AreWhat We EelieveWhat We Do
2025 by iamachristian.org,Inc All rights reserved.
