Gen 3 - Ndebele Bible (iBhayibhili Elingcwele) 1978

Ukuwa komuntu

1Inyoka yayilobuqili kulazo zonke inyamazana zeganga eyayizenzile iNkosi uNkulunkulu. Yathi kowesifazana: Impela uNkulunkulu watsho yini ukuthi: Lingadli okwezihlahla zasensimini na?

16Yathi kowesifazana:

Uzakuba lobuhlungu obukhulu ekukhululekeni kwakho;

uzabeletha abantwana ngobuhlungu.

Kodwa ukukhanuka kwakho kuzakuba sendodeni yakho,

yona izakukubusa.

17Yathi kuAdamu:

Njengokuba ulalele ilizwi lomkakho,

wadla okwesihlahla engakulaya ngaso ukuthi ungakudli,

ngalokhu umhlabathi uqalekisiwe ngenxa yakho.

Ngokukhathazeka uzazuza ukudla kuwo

insuku zakho zonke zokuphila kwakho.

18Uzakukuvezela ameva lokhula,

wena udle imibhida yeganga.

19Ngesithukuthuku sobuso bakho uzakuzuza ukudla,

uze ubuyele emhlabathini owathathwa kuwo;

ngoba ungumhlabathi,

uzabuyela emhlabathini.

20Umuntu wamutha umkakhe ibizo lokuthi nguEva, ngoba waba ngunina wabo bonke abaphilayo.

21INkosi uNkulunkulu yabenzela uAdamu lomkakhe amaxaba, wabambathisa.

22INkosi uNkulunkulu yasisithi: Khangela, umuntu usenjengomunye wethu, usesazi konke. Uba eselula isandla sakhe athathe okwesihlahla sokuphila adle, uzakuphila kokuphela.Isam 22:14

23Ngakho iNkosi uNkulunkulu wamkhupha ensimini yaseEdeni ukuba alime umhlabathi athathwa kuwo.

24Wamxotsha umuntu; wabeka ngasempumalanga kwensimu yaseEdeni amakherubi kanye lomhedla ovuthayo ophenduphendukayo, okulinde indlela eya esihlahleni sokuphila.