1Abapristi abangamaLevi, ngitsho sonke isizwe sakoLevi, kabayikuba lesabelo selizwe koIsrayeli; bazakudla iminikelo yeNkosi eyokutshiswa, lalokho okumele kunikelwe kuyo.
2Kabayikuba lesabelo phakathi kwabafowabo, ngoba isabelo sabo siyiNkosi njengokubathembisa kwayo.
3Abantu abanikela umhlatshelo, inkabi loba imvu, bamele ukumnika umpristi umkhono lemihlathi yomibili lolusu.
4Limnike izithelo zokuqala zamabele enu lezewayini lenu lezamagcobo enu, kanye loboya bezimvu zenu ezigundwe kuqala.
5Ngoba iNkosi uNkulunkulu wenu imkhethile kuzo zonke izizwe zenu ukuba eme, akhonze ebizweni leNkosi, yena lamadodana akhe njalonjalo.
6Uba umLevi ohlala loba kuwuphi umuzi wakoIsrayeli ezimisela ukuya endaweni iNkosi ezakuyikhetha,
7uzakukhonza ebizweni leNkosi uNkulunkulu wakhe njengabo bonke abakoLevi abaphatha inkonzo phambi kweNkosi,
8adle isabelo sokudla esilingana lezabelo zabo, ngaphandle kwalokho akuzuze ngokuthengisa impahla yakhe.
AbakoIsrayeli baxwayiswa ukuba bangavumisi9Lapho selifikile elizweni iNkosi uNkulunkulu wenu elinika lona, lingafundi ukwenza imikhuba enengekayo yalezozizwe.
10Kakungabi khona phakathi kwenu umuntu otshisa ngomlilo indodana yakhe lendodakazi yakhe ibe ngumnikelo, lovumisayo, lohlolayo imihlola, lowenza imilingo, lomthakathi,UNkulunkulu uthembisa ukuvusela abantu umprofethi
14Izizwe lezi elizakuzinqoba ziyalalela abahlola imihlola labavumisayo; kodwa lina, iNkosi uNkulunkulu wenu kayilivumeli ukuba lenze njalo.
15INkosi uNkulunkulu wenu izakulivusela phakathi kwabakini umprofethi onjengami; limlalele yena.Seb 3:22; 7:37
16Lakucela lokhu eNkosini uNkulunkulu wenu eHorebe ngosuku lokuhlangana, lathi: Asingabe sisalizwa ilizwi leNkosi uNkulunkulu wethu, singabe sisawubona lumlilo omkhulu, funa sife.
17INkosi yathi kimi: Konke abakucelileyo kuhle.
18Ngizakubavusela umprofethi onjengawe kubafowabo; ngizakubeka amazwi ami emlonyeni wakhe, akhulume kibo konke engizakumlaya khona.
19Lowo lalowo ongayikulalela amazwi ami umprofethi azakuwakhuluma ebizweni lami, uzakuba lecala kimi.Seb 3:23
20Kodwa umprofethi okhuluma ilizwi ngokuziqhenya ebizweni lami engingamlayanga ukulikhuluma, loba ekhuluma ebizweni labanye onkulunkulu, lowomprofethi uzakufa.
21Mhlawumbe lizakuthi enhliziyweni zenu: Sizakwazi kanjani ukuthi ilizwi kalikhulunywanga yiNkosi na?
22Lapho umprofethi ekhuluma ebizweni leNkosi, kungenzeki leyonto akhulume ngayo, lingagcwaliseki ilizwi lakhe, lelolizwi belingakhulunywa yiNkosi; umprofethi uzikhulumele yena ngokuziqhenya; lingamesabi.
Who We AreWhat We EelieveWhat We Do
2025 by iamachristian.org,Inc All rights reserved.
