1Ngasengibona isilo sikhuphuka olwandle, silempondo ezilitshumi lamakhanda ayisikhombisa lemiqhele elitshumi empondweni zaso, kukhona lebizo eliyinhlamba emakhanda aso.
11Ngasengibona esinye isilo siphuma emhlabeni, silempondo ezimbili ezinjengezewundlu, sakhuluma njengomgobho.
12Amandla wonke esilo sokuqala siyawasebenzisa phambi kwaso, senza ukuba umhlaba labakhileyo kuwo bakhonze isilo sokuqala esilenxeba lokufa elapholayo.
13Senza izibonakaliso ezinkulu, saze senza lomlilo ophuma ezulwini, wehlele emhlabeni phambi kwabantu.
14Sabaduhisa abakhileyo emhlabeni ngezibonakaliso esazinikwayo ukuba sizenze phambi kwesilo, sisithi kwabakhileyo emhlabeni kabasenzele umfanekiso isilo, ebesilenxeba lomkhonto kodwa sasila.
15Sanikwa futhi ukuba siwuphe umfanekiso wesilo umoya, ukuze ukhulume, senze ukuba bonke abangawukhonziyo babulawe.
16Senza futhi ukuba bonke, abancinyane labakhulu, abanothileyo labayanga, abakhululekileyo lezigqili, batshiswe uphawu esandleni sokunene loba emabunzini,
17ukuba kungabi khona othengayo loba othengisayo, uba engelalo uphawu olulibizo lesilo loba isibalo sebizo laso.
18Nanku ukuhlakanipha. Olengqondo kabale isibalo sesilo, ngoba siyisibalo somuntu; isibalo sakhe singamakhulu ayisithupha lamatshumi ayisithupha lesithupha.
Who We AreWhat We EelieveWhat We Do
2025 by iamachristian.org,Inc All rights reserved.
