Hubo 29 - Ndebele Bible (iBhayibhili Elingcwele) 1978

Ilizwi leNkosi phakathi kwesiphepha

1Inikeni iNkosi, lina zithunywa,

inikeni iNkosi udumo lamandla.

2Inikeni iNkosi udumo lwebizo layo,

likhuleke eNkosini lambethe ingubo ezingcwele.

3Ilizwi leNkosi lizwakala phezu kwamanzi amanengi;

uNkulunkulu wenkazimulo uyaduma,

iNkosi iphezu kwamanzi amanengi.

4Ilizwi leNkosi lilamandla,

ilizwi leNkosi ligcwele ubukhulu.

5Ilizwi leNkosi laphula izihlahla zomkusu,

iNkosi yaphula izihlahla zaseLebanoni.

6Yenza iLebanoni iqolotshe njengethole,

leSiriyoni njengethole lenyathi.

7Ilizwi leNkosi likhupha amalangabi omlilo.

8Ilizwi leNkosi lizamazamisa inkangala,

iNkosi izamazamisa inkangala yaseKadeshi.

9Ilizwi leNkosi liyazunguza izihlahla,

lihlubule amahlathi;

lasethempelini layo konke kumemeza kusithi: Udumo!

10INkosi iyabusa phezu kwamanzi,

iNkosi iyiNkosi kuze kube nininini.

11INkosi inika abantu bayo amandla;

iNkosi ibusise abantu bayo ngokuthula.