1Encwadini yokuqala ngaloba, Teyofilu, ngakho konke uJesu aqala ukukwenza lokukufundisa,Ukwenyuka kukaJesu
6Kwathi sebebuthene laye bambuza bathi: Nkosi, uzabuyisela umbuso kuIsrayeli kulesisikhathi na?
7Wathi kubo: Kakusikho okwenu ukwazi isikhathi lemizuzu ayimisileyo uBaba ngamandla akhe;
8kodwa lina lizakwamukela amandla, esefikile phezu kwenu uMoya oNgcwele, libe ngofakazi bami eJerusalema, lakulo lonke elaseJudiya laseSamariya kuze kube semikhawulweni yomhlaba.
21Ngakhoke omunye kulawomadoda ayehamba lathi kuso sonke isikhathi, lapho iNkosi uJesu yayihamba phakathi kwethu,
22kusukela obhaphathizweni lukaJohane kwaze kwaba lusuku akhutshulwa ngalo kithi, omunye wabo umele abe ngufakazi kanye lathi wokuvuka kwakhe.Mat 3:16; Mark 1:9; 16:19; Luka 3:21; 24:51
23Basebemisa ababili, uJosefa othiwa nguBarsaba, othiwa futhi nguJustusi, loMathiyasi.
24Basebekhuleka besithi: Nkosi, wena owaziyo inhliziyo zabo bonke abantu, ake utshengise ukuba nguwuphi kulaba ababili omkhethileyo
25ukuba athathe isikhundla kulinkonzo lobuphostoli uJudasi asitshiya waya endaweni yakhe.
26Basebebenzela inkatho; inkatho yadla uMathiyasi; wabalwa kanye labaphostoli abalitshumi lanye.
Who We AreWhat We EelieveWhat We Do
2025 by iamachristian.org,Inc All rights reserved.
