1Ngoba luyeza usuku oluvutha njengeziko lapho bonke abaziphakamisayo labenza okubi bazakuba njengezibi ezitshayo; lolosuku oluzayo luzabatshisa, kutsho iNkosi yamabandla, lungabatshiyeli impande logatsha.
2Kodwa kini elesaba ibizo lami kuzakuphuma ilanga lokulunga lilokusilisa empikweni zalo. Lina lizaphuma, liqolotsha njengamathole ephuma esibayeni.
3Lizabanyathela ababi, ngoba bazakuba njengomlotha ngaphansi kwenyawo zenu mhla wosuku lokwenza kwami, kutsho iNkosi yamabandla.
4Khumbulani umlayo wenceku yami uMose, izimiso lezahlulelo engamlaya ukuzinika uIsrayeli wonke eHorebe.
5Khangelani, ngizalithumela umprofethi uElija lungakafiki usuku lweNkosi olukhulu lolwesabekayo.Mat 11:14; 17:10–13; Mark 9:11–13; Luka 1:17; Joha 1:21
6Uzaphendulela inhliziyo zaboyise ebantwaneni babo, lezabantwana kuboyise, funa ngize ngitshaye ilizwe ngesiqalekiso.
Who We AreWhat We EelieveWhat We Do
2025 by iamachristian.org,Inc All rights reserved.
