1Thengisa amabele akho ngaphetsheya kolwandle ukuba ube lenzuzo ngemva kwesikhathi.
2Gcinisa impahla yakho emisebenzini eyisikhombisa loba eficaminwembili, ngoba kawukwazi okubi okuzakwenzeka emhlabeni.
3Uba amayezi egcwele izulu, ayalinisela emhlabeni; uba isihlahla siwela ngaseningizimu ingabe ngasenyakatho, endaweni lapho siwela khona sizakulala khonapho.
4Lowo onanzelela umoya kayikuhlanyela, lalowo okhangela amayezi kayikuvuna.
5Njengoba ungazi ukuthi impilo iqalisa njani esiswini sowesifazana okhulelweyo, ngokunjalo kawazi ukuba uNkulunkulu owenza zonke izinto usebenza kanjani.
6Hlanyela inhlanyelo yakho ekuseni, lantambama ungayekeli ukusebenza; ngoba kawazi ukuba yiphi ezaphumelela, le ingabe leyana, loba zombili zizaba zinhle.
Izeluleko kwabatsha7Ukukhanya kuhle; kuhle emehlweni ukubona ilanga.
8Uba umuntu ehlala iminyaka eminengi, kathokoze ngayo yonke; kodwa kakhumbule insuku zomnyama zizakuba zinengi. Konke okuzayo kulize.
9Thokoza, jaha, ebutsheni bakho, ikuthokozise lenhliziyo yakho ensukwini zobutsha bakho, ulandele indlela ezithandwa yinhliziyo yakho lezinto ezithandwa ngamehlo akho. Kodwa yazi ukuthi ngazo zonke lezizinto uNkulunkulu uzakukuthonisisa.
10Susa ukusola engqondweni yakho, ukhuphe ukukhathazeka emzimbeni wakho, ngoba ubutsha lobujaha bulize.
Who We AreWhat We EelieveWhat We Do
2025 by iamachristian.org,Inc All rights reserved.
